CAL tukuy minkashka tantanakuykunaman 2022 Kullkillankay riksichik panka chayshina ñawpa yuyay utkalla kullki rimaykunawan katichun chayachinkuna

Martes, 02 de noviembre del 2021 - 19:08 Imprimir Elaborado por: Sala de prensa
CAL designó a las Comisiones que tramitarán la Proforma 2022 y Proyecto Económico Urgente

“Kay mushuk Mamallakta Tantanakuypi tukuy Ecuador mamallaktapi kawsakkuna alli kawsaypak aripaktachiwan kamachinchik”, Guadalupe Llori Abarca, Mamallakta Tantanakuy pushak rimarkakuna, Consejo de Administración Legislativa (CAL) 036 tantanakuy kallarikunapi, kay wanra puncha 2 sisa killapi, CAL tantanakuypi minkashkakuna 2022 Kullkillankay riksichik panka 2022-2025 chusku watanatakunapak ruray katichikunata pakacthirkakuna, Mamallakta pushkamanta chayachishkakuna; shinapash, Régimen Económico y Tributario y su Regulación y Control Minkashkaman chayachirkakuna, paykuna washtawan llankaykunata rikchiyachishpa katichun (LOFL) Kamachiy Awlli Kamachik killkaypi rikushpa allichichun.              

Chaymanta, CAL tantanakuy ñawpak yuyay Orgánica para el Desarrollo Económico y Sostenibilidad Fiscal kamachik Covid-19 llaki unkuykuna llakichishka hawa allichinapak arinishpa paktachinkuna, Mamallakta pushak chayachishkakunata utkalla hatun kullki iñukunapi kamutashpa apankuna. Pakta kay mañaykunata allichishpa katinapak Desarrollo Económico, Productivo chayshina Microempresa Minkashka makikunapi katichun sakirinkuna.      

Tantanakuy paktachikunapi, shinapash tawka ñawpak yuyay kamachikkunata chanirkakuna. Maypika yallichishka, ñawpak yuyay Orgánica de Incentivos a la Agricultura, Ganadería y Artesanos Kamachik llankayta allichinapak, kay llankaykunata apanapaka chayachishkakuna Henry Kronfle ashtawanpash Javier Ortiz Kamachiy Killkakkuna, kashna yuyaykunami kan tukuy uchilla tarpuykunata pukuchi, wiwakamay shinapash makiruraykunata sinchiyachinapak, shinapash kullki mañachi shinapash mitachi kullki paktalla achikshina yanapaykuna tiyachun, shinapash shuktak iñukunamantapash. Kay kallari yuyayakuna chayachishka kanka Soberanía Alimentaria y Desarrollo del Sector Agropecuario y Pesquero Minkashka tantanakuyman utkalla llankaykunawan katichun.          

Chaymanta, CAL tantanakuy chanirkakuna paktalla llankaywan ñawpak yuyay Orgánica Reformatoria al Código de Trabajo y a la Ley del Servicio Público mushukyachinapak, tukuyman chayshinalla hayñi kullkita llankaymanta chayachikuna tiyachun shinnapash llankaymanta mana alli llukchikunatamanta, kashna yuyayta Marcela Holguín kamachiy killkak chayachirka. Ñawpak yuyaykunawan maskankuna tukuy kariwarikunapak llankaykunapi rikushpa kamaykunata tiyachun; shinapash, warmikunapak hayñikuna chichushka killakunapi, unkushka shinapash wawakunaman chukuchi killakunapi llakichishpa llankaykunamanta llukchi tiyashkamanta rikunkuna; shinapash Llankaypak Hayñi chayshina Kawsaykamay Minkashka tantanakuyman chayachinkakuna.      

Kay ñawpak yuyay Kawsaypacha Kamachik mushukyachishpa alli kawsaypak kiti ukupi wiwakamay hayñikunata sinchiyachinapak, maypika Viviana Veloz, Blasco Luna shinapash Fausto Jarrín Kamachiy Killkakkuna chayachishkakunata, CAL tantanakuy rikushpa arinishkakuna ashtawan kunanka Tawkasami Kawsay ashtawanpash Pachamamapi Tiyak Minkashka tantanakuyman chayachinka kay mushuk yuyaykunawan katichun.     

Shinallatak, CAL tantanakuy rikushpa arinirka ñawpak yuyay Orgánica Reformatoria Kamachik tawka kamachikkunata katishpa yachay pachamamayak chayshina tantachiy llakichikunamanta, maypika Marcela Holguín kamachiy killkakpak makipi churashkakuna. Shinapash ñawpak yuyaypash tikrachishkami kanka kay Tawkasami Kawsay shinapash Pachamamapi Tiyak Minkashka tantanakuyman chayachinkakuna.

Karupi Kikinllatak Kamachik Minkashka tantanakuykunami sakirin pakta pakta llankay katikunawan kay ñawpak yuyay Cootad Kamachik mushukyachinapak, CAL tantanakuy rikushpa arinirkakuna. Kay yuyaykunata churashka Jéssica Castillo kamachiy killkak.   

Tantanakuy tukuri pachapi, CAL tantanakuy chanirkakuna ñawpak yuyay Hatun Kamaywasi Kamachik mushukyachinapak churashka Darwin Pereira, kamachiy killkak, kay llankaukunapi paktalla kamachik shinapash hayñikunata rikushpa paktalla allichikuna yallichun chayshina wankurishkakuna ranti ranti apachun, kullki llankay kutin sinchiyachinapak uchilla kullki yallichishpa tiyakkunata kamanapak. Mushuk yuyaykuna chayachishkakunami kanka kay Desarrollo Económico, Productivo y la Microempresa Minkashka tantanakuyman.        

KC/pv/gu-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador