Paktakay Minkashka kunan puncha tantanakurka killkaykunata rikunapak llankaywillayta kallari chimpapuraykunapak ñawpak yuyay Kamachiy mushukyachinapak Mamallakta Llankayta Rikuk Kamachik, chay kamukunapi illak tiyashkata rikushpa allichinapak shinapash kullki imarurashkata rikuriyak shuktak llakichikunawan shamushkakuna, ashtawanpash kullkikawak pushak washaman sakirishkamanta shuktak llakikunamanta alli rikuk kamay wasita sinchiyachinapak.
Kamachiy tantanakuy, manarak llankaywillayta rurashpa iskun ñawpak yuyay kamachikkunata chay tiksimanta rikurka, kamachiy killkakkuna Ángel Maita, Francisco Jiménez, Luis Almeida, Sofía Sánchez shinapash Yeseña Guamaní chayachishkakuna, shukmantapash Mauricio Proaño, Ximena Ponce shinallatak Vicente Almeyda ñawpa kamachiy killkakkuna makichurashkakuna.
Kay ñawpak yuyay charin llakichikunamanta Mamallakta Llankayta Rikuk pushakta llankaymanta anchuchinapak, wañuymanta, llankaymanta llukshi yuyaymanta Mamallakta Tantanakuy arinishka, llaktay ñawinchimanta llukchik, llankaymanta pakalla anchuri shinapash llankaymanta mana chayakkunamanta allichinapak rikunkuna.
Chaymanta, mañay pankakunata ima llankayta apanapak churankuna paktachi tiyachun; kullki imarurashkata rikuriyak llankaymanta pakalla llukchikmanta shukutin akllaypak; chayshina, llankayta minkashpa pushak tukushpa apachun hatun pushak Mamallakta Llankayta Rikuk anchuchinapak rikunkuna.
Tukuy rikuchikuna charin shuk hatun paktay anchawaklliy makaykunata yanapanapak, chayshina Mamallaktapak kullkikunata alli pacha rikushpa kamapnapak katinkuna.
Minkashka tantanakuy shamuk punchakuna tantanakuypak tikrankakuna, llankaywillayta arinishpa paktachinapak ashtawanpash Hunta rimanakuy Mamallakta Tantanakuypi tukuyman riksichinapak.
PV/gu-k
