Mamakamachiy Paktachikuna Minkashka tantanakuy pushak, Fernando Cabascango riksichirka, kay shamuk chaska puncha 5 sisa killapi, 08h00 saylla pachamanta, kamachiy tantankuy “Pandora Papers”, urmachi llankaywillay taripaykunata hamutankakuna, kay rikuykunata Hunta rimanakuy Mamallakta Tantanakuypi churankakuna.
Kamachiy killkak yucharika kay 07 wayru killa 2021 watapi, Hunta rimanakuy 105 arinishka apuchikunawan, Mamakamachiy Paktachikuna Minkashka tantanakuy "Pandora Papers”, urmachi taripaykunawan kallarichun rimankuna, maypika kay rikurikuna llaktayukkunapak maymutsurikuna kashkamanta shinapash tukuykuna yachachun imashina yallishkata. Chaymanta tukuykunata kayashpa imakuna yallishkata rikuchichun chayshina chikan chikan mutsuri pankakunata yallichichun rikunkuna, tukuy yuyaykuna Guillermo Lasso Mendoza, Mamallakta pushakpak shutikunata churashkamanta willachichun kayankuna, kashna willay taripaykunawan yallichishka llankay wasi mana tiyashkakunawan kimichishpa paraísos fiscales shuktak yuyaykunwan rikushpa.
Fernando Cabascango rimarirka kamachiy tantanakuykuna willaykunata chaskirka chay urmachikunata hamutanapak yanapankuna nirka, shuktak rikuk kamay wasikunapak kamaywan chayshina pushak yachaywan maymutsuri iñukunapi katikkunawan paktachun, maypika ashtawan Kullkillankayta Rikuk, Ecuador Llaktapak Kullkikullka, Servicio de Rentas Internas, shinapash Tukuypak Kamay Wasi Killkakamayuk rikuy mutsurikunwan pakta pakta katichun. Shinapash mamallakta chayshina ista yachayukkunata chimpapuraypak kayankuna.
Willay hawalla killkay charin shuk hamutaykunapak chaskishka willaykunata alli pacha rikunkakuna paktachinkakuna kay taripaykunapi, pakta taripay katinakunata katinata rimankuna.
JLVN/pv/gu-k
