Consejo de Administración Legislativa tantanakuy, Kamachiy Awlli Kamachik katikunapi manu pachakunata churashkapi yallishpa, Desarrollo Económico y Sostenibilidad Fiscal kamachik riksichirka shinapash arinirkakuna 2022 milkapankakunata chayshina chusku watakunapak llankayñankunata paktachishpa Desarrollo Económico shinapash Régimen Económico Minkashka tantanakuymanta rikushpa pakta pakta allichishkakuna. Shukutin minkashkakuna llankaywillayta chaychishka hawa, Hunta rimanakuy hatun chimpapuraykunata charinkakuna rimaykunata paktachishkata arininapak. Ranti ranti minkashka tantanakuykuna mishanakuypi kullki paktachikunapi yachakkunaka shinapash, chaymantalla, Mamallakta pushakmanta tukuy rikuchikunata chayachishkata paskashkami kan arinishpa paktachinapak maypika kullki llankayta sinchiyachinapakmi kan chayshina kullkita llankaykunapi paktachinapak. “Kay mushuk Mamallakta Tantanakuypi achikllami kamachiy llankayta sinchiyachinchik tukuy mamallakta runakunaman”, pushak Guadalupe Llori Abarca willarka.
Minkashkakuna llankayñankunata paktalla ñawpak yuyay Desarrollo Económico y Sostenibilidad Fiscal Kamachikta allichinapak arinirka.
Milkapanka llankay paktachinapak arinishka paktachishkata Desarrollo Económico Minkashka ñawpak yuyay Desarrollo Económico chayshina Sostenibilidad Fiscal Kamachik yachaywan kallarirka, maypika umachik shinallatak llaktayukkunawan chikan chikan yuyaykunata siksichinapak kan ashtawanpash shamuk wanra punchakunapi llankaywillayta arininapak shuyankuna kallari shuk niki chimpapuraykunata 14 sisa killakama paktachinapak. Ñawinchikunawan tukuy yachayukkunawan manukullki tiksimanta kallarirka. Shuk nikimanta, kamachiy tantanakuy llankaywillayta arinirka ishkay niki chimpapuraykunaman kay ñawpak yuyay Código de Planificación y Finanzas Públicas Kamachik mushukyachinapak, shukta yuyaykunata paktachishpa pakta pakta sinchiyachinapak, amawtay taripaykuna, sumakllankayta kamanapak alli kawsaypi wankurishpa makichuranapak.
Minkashka llankayñankunata pakta pakta tukuy katikunawan kay 2022 milkapanka chayshina 2022-2025 chusku watakunapak rakishpa llankanapak arinirkakuna.
Minkashka tantanakuy llankayñankunata pakta pakta tukuy katikunawan kay 2022 milkapanka chayshina 2022-2025 chusku watakunapak, paktalla rakishpa llankaypak arinirkakuna. Régimen Económico Minkashka tantanakuy 2022 milkapanka shinapash 2022-2025 chusku watakunapak kullkikunata rakishpa rikuy llankaywan paktalla kallarirkakuna. Chaymanta Kamachiy tantanakuy tukuymanta shukshinalla iskun arinishka apuchikunawan arinishpa kay Hatun Kullki Kamay Wasita shuk satallichak llankakkunata tukuy minkashka tantanakuykunapi milkapankata rimashpa katikunapi yanapachun mañarkakuna.
Mamakamachiy Paktakay Minkashka “Pandora Papers” iñu llankaywillayta arinirkakuna.
Killkashka panka sukta arinishka apuchikunawan paktachirkakuna, ishkaymanta mana yanaparka chayshina shuk mayhanpash mana makichurarka. Tukuy pankakunata Mamallakta Hatun Rikurayak, Mamallakta Llankayta Rikuk, Servicio de Rentas Internas shinallatak Kullkillankayta Rikuk wasikunaman chayachinata rikunkuna, ashtawan imashina llankaykunata paykunapak mishanakuy llankayta chayachishkata achikyachishpa allichichun tukuy pankakunata chaskishkapi hamutashpa kay Hunta Rimanakuy Mamamllakta Tanatanakuy chayachishkawan, kamachikkunapi killkakatishpa paktachichun rimankuna. Chaymanta, kamachiy Hunta rimanakuy pusak manu punchakunapi Mamallakta pushak tukuy tapuykunata kutichichun chayamuchun shinapash tukuy mutsuri willaykunata tikrachichun mañankuna, imashina rikuy shinapash rimaykunapi imacharishkakunata Guillermo Lasso Mendoza runapak shukti chayshina shuktak shutikunapash uyarinkuna kay taripay katikunapi katinkuna.
Mamallakta tantanakuy llaktapi.
Santo Domingo de los Tsáchilas chunka chusku wiñachishka watakuna paktashpa yuyarina pacha shamushkamanta, Guadalupe Llori Abarca, Mamallakta Tantanakuy pushak, 2021 rikuchiy katuy ranti wakrakamaykunata riksichikunata paskashpa sakirkakuna; shinapash Naranjal kiti sukta chunka shuk watakunata wiñachishpa hatun yuyari tantanakuykunapi aynirkakuna. Paypak rimaykunapi tukuylla shukshina wankurishpa kamachikkunapi mamallakta kawsak llaktakunata wichiman wiñachishpa llankashpa katinapak riksichirka. "Kay mushuk Mamallakta Tantanakuy tukuy llaktayukkunawan makimanta hapishpa llankankuna, chikan chikan ayllullaktakunapi uyashpa, paykunapak muskuyta, shukta achiklla yuyaykunata, paykunapak rikuchikunata shinapash unancha kaparikunata shamuk alli pachakunapak", Mamallakta Tantanakuy pushak riksichirka.
Llankaykatiy Minkashka tantanakuy Sistema de Compensación regional (SUCRE) umachik rikuyta paktachinkuna.
Ecuador Llaktapak Kullkikullka pushak, Guillermo Avellán, Llankaykatiy Minkashka tantanakuyman chayarka, maypika Sistema Unitario de Compensación Regional de Pagos (SUCRE) kunankama tiyan, shinapash kamachiy kamay harkashka tiyakun nirka, shuktak llakichikuna tiyashkamanta. Kaymi kan paktalla llankaykatiy kan kamachiy tantanakuykuna apankuna kay Fonglocons hatun kamaywasi shinapash tukuypak kamay wasikunapi llankakkunatapash wankuchinkuna. Llankakkuna tukuy llankaypak arinishka paktachi pankakunata rikunapak mañashkata willankuna, maypika shuktak llakikuna rikurin kullki yallichikunapi mana alli paktay rikurishkamanta.
Llaktayukkunapak mana alli kamay chayshina wichkana wasi llakipi yallik llankaywillaykuna shamuk 8 sisa killakama ñami charinka.
Hunta rimanakuy Mamallakta Tantanakuy shamuk 8 sisa killakama manu punchakunata churashpa sakirka ashtawan Soberanía, Integración y Seguridad Integral Minkashka wichkana wasi llakipi yallikushkamanta chayshina mamallaktapi llaktayukkunapak mana alli kamay tiyashkamanta, llankaywillay taripaykunata killkashkata chayachinkakuna. Ramiro Narváez, pushak kamachiy tantanakuy pushak riksichirka, 480 killkapanka shinapash panka kimichishka kallari llankaywillayta killkaykunata rurashkata rimankuna, shinapash achiklla tantachik yuyay shinapash umpakuy rikuykunata paktachinata mutsurinkuna. Llankaywillayta killkanapak minkashka tantanakuy 62 tapuy kutichikkunata chaskirka shinapash 900 chikan chikan kamay wasikunamanta shuwakunata wichkana wasimanta mutsuri willaykunata chaskishkakuna.
Ecuador llakta Colombia mamallaktakunapi ayllu llaktayaykunata yuyarinakushka kamayta Mamallakta Tantanakuy arinirkakuna.
Kaywan, llankaykunata shukshinalla paktachishpa ayllu llaktayaykunata Antisuyu shinallatak yunka Kasisuyukunapi llaki kawsaykunata makichurashpa katinapak rikunkuna, San Miguel shinallatak Mataje mayu yallik manyakunapi llaktayukkunata llakichikunata uriyachinapak. Chay yuyaykunata chayachik kamachik killkak Raisa Corral, tukuy llaktayukkunapak mutsuri shinapash llaki kawsaypi rikushpa ayllu llaktayaykunata kamanapak, maypika kawsaypachakunata, wankurikawsay ashtawanpash kawsaykamaykunapi yanapanapak rikunkuna. “Kay yuyarinakuy shuk hillaypi paktarin Ecuador llakta Colombia Mamallaktakunawan ranti ranti makichuraykuna allipi rikushpa paktachun, Antisuyu chayshina yunka Kasisuyukunapi mushuk tantanachi llankaykunawan katinapak”, willarka.
Mamakuchapi tiyashkakunata wakichinapak, wamrakunapak kamay chayshina kullkiyachik paktakay iñukunata Minkashka tantanakuy rikurkakuna.
Relaciones Internacionales Minkashka tantanakuy Mamakuchapi tukuy hamu tiyakkunata rikushpa kamanapak llankaywillayta arinirkakuna. Kay ista hillaykuna kan tukuy mamakuchakunapi imakuna kawsakkunata rikushpa kamanapak, tukuy llaktayukkunapak imakuna kawsaypi rikushpa paktalla kamanapak; tawka kawsaypachakunapi sachakuna hamukuna tiyashkata allichinapak; ashtawanpash, mamakucha llankay manyakunapi sachakuna tiyashkata rikushpa kamanapak. Shukmanta, Régimen Económico Minkashka tantanakuy kallarirka, kay ñawpak yuyaykunawan Orgánica de Justicia Financiera y Apertura a la Banca Extranjera Kamachik paktalla mushukyachinapak, Darwin Pereira Kamachiy killkak yuyaykunata churak; ashtawanpash, Ecuador Mamallaktapi Kullki Llankayta Kutin Sinchiyachinapak Kamachik mushukyachinapak, Carlos Falquez kamachiy killkak chayachishka. Minkashka tantanakuypi wamrakunapak kawsayta rikushpa kamanapak Inclusión Social del Municipio de Quito killkakamayuk, ñawpak yuyay Código Orgánico para la Protección Integral de Niñas kamachik mushukyachinapak paypak yuyaykunata chayachirka. Chaymanta tukuy kamay wasikuna wankurishpa kay kamachikta alli paktalla apanapak, mayhan wakcha llaktayukkuna llakicharishkakunata shukshinalla makichuraykuna tiyachun riksichinkuna.
PV/gu-k
