Chay tantanakuypi tukuylla wankurishpa sukta kamachi killkakkuna, Marlon Cadena Carrera Interparlamentario wankuri mashikayta Ecuador chayshina Uruguay Mamallakta Tantanakuymanta pushakta akllashpa churarkakuna, maypika hatun llakatay paktaykunata tukuykunapi rikushpa wankurishpa kamanapak, ñawpak yuyaykunata ñawpachishpa rantimanta wankurishpa makichuranapak chayshina ishkay mamallaktakunaman shuktak llankaykunata achiklla purichinapak.
Shinallatak, kay huñu Interparlamentario Rosa Mayorga Tapia kamachiy killkakta akllarka, kay Mamakamachiy Tantanakuymanta killkakamayta apachun churarkakuna.
Marlon Cadena, llankaypi churashkamanta yupaycharka, kay wankuri mashikay Ecuador chayshina Uruguay mamallaktakuna llankayñankunata allichishkata riksichirka, tukuy kamachiy tantanakuykunapi paktachinapak, ashtawan mamakullki, runakuna chayshina pachamamayakkunapi rikushpa watapak ruray katichikunata allichirka.
Shinallatak, tukuylla wankurishpa makichuranapak maskankakuna, shuktak minkashka mintalak runa chikan chikan kamachiy tiksimanta yachashkakunata rantimanta rakinapak rikunkuna.
Wankuri kamachiy tantanakuy shuk llankayñankunata rurankakuna maypika ishay mamallaktakunamanta mayayashpa makichuraykuna paktachun, República Oriental de Uruguay Mamallaktamanta kay Ecuador Mamallaktapi mintalak runa minkashka, hatun kamachiy tantanakuykunamanta, ishkay mamallaktakunamanta chikan chikna llankay paktachikunata charishkata rakishpa sinchikunawan katichun.
EG/pv/gu-k
