Kamachichishka Kullki Minkashka kay chishipi kantinuna chikan chikan yuyaykunata chaskishpa, milkapanka kullkimashnayachik 2022 killkillankay puchukaypak chayshina 2022-2025 chusku watakunapak kullkimashnayachik ruraykatichiy. Kay pacha, Sumak Hatun Yachana Wasi Minkashkakuna, mitakullkita wichiyachichun, tukuy sumak yachana wasipi yupay yachakukkunata yapalla wichiyachichun mañarka.
Galo Naranjo, Sumak Hatun Yachana Wasimanta Llika Tantanakuy, tukuy mutsurikunapi rikushpa paktachinapak rakishpa Sumak Hatun Yachana Wasi chayshina Tawka Sumakyachay wiñachinapak kullki uniman (Fopedeupo) rikuchun mañarka, churashkakullki mitakullkiman; kullkita kutin yanka yapalla yallichi patsak waranka yachakukkuna mirarishkamanta; yallishka watakunamanta hatunkullkita tukuchi; chayshina, kullkikunata mana tukuchi ushashkata shamuk wataman tikrachi tiyachun. Yuyarirka kay, 202 watapi, hatun kullki uriyachikunami kan 134 hunu dólares kullkikuna, kunanrikama mana yanapan 2021 shinapash 2022 wichiman wiñachikunapi nishpa yuyarirka.
Chaymanta, 26 niki Mamakachik killkaypi paktachishkata wanakuyta rurarka, yachayka shuk hayñimi kan runakunapak shinapash shuk paktachinatakmi mamallaktamanta mana manyaman churaychu kan. 835 hunu dálares kullkikuna mana utka tiyashkata yuyarishka hawa 2020 watakama, sumak hatun yachana wasikunaman utkalla tikrachichun kay paktachikunaman maypika 22 niki Suman Hatun Yachana Wasi paktalla yallichichun mañankuna.
Paymanta, Marcelo Cevallos, Sumak Hatun Hatun Yachana Wasi del Norte, 2020 watamanta kutin kullkita 100 patsak hunu dólares kullkikunata uriyachishkakuna, uriyachishkamanta chayllapi charinkuna maypika 2021 wichiman achiklla llankayta charishkamanta shuk 2.6% wichiyachishka chayshina milkapanka rukuypi, 2022 watakunapak 2.4% kashnalla wichiyarinkakuna nishpa willankuna.
Kunan Tukuypak Sumak Hatun Yachana Wasikuna charinkuna 100 pastak waranka yachakukkunata kullki yapalla yanka kutichikuna mana tiyanchu nirka. Kashka 2017 watakunapi yapalla yanapaykuna yallikpi 50 hunu kullkikuna tukuy yacahana wasikunaman yallichishka rikurina shina kan nishpa willarkakuna.
Paypak manyamanta, Olga Núñez, Kullki Kamay Wasimanta hatunkullki katik killkakamayuk, 2020 watakunapi yachana wasiman yaykuk wamrakuna uriyarkami nirka.
Kullkiyay kushka Sumak Hatun Yachana Wasi Católica del Ecuador pushak, Andrés Mideros, Mamallakta Wiñariy Paktay Yuyay milkapankata alli pacha rikushpami wakichina nirkakuna; llika tukuyta ranti katishkakunata kamayku tiyachun nirkakuna; kullkiyanapay rakikuna shinapash manukullki tukuchikunata kamayukuta rurachun mañarkakuna. Shinapash unkuyta hampi wasikunapi shinapsh yachaykunapipash kullkikunata llaki uriyachikunami tiyan, kutinpash rimaykunata yapalla chimpapuraykunata ruranami rimankuna. Paypak rimaykunaman milkapankapi mana allita pacha rikuchinkuna maypika achiklla wankurishpa Mamallakta Wiñariy Paktay Yuyay paktaykuna tiyachun, imashina paktachina chayshina imamanta nirkakuna.
Ñawpa yachachikunapak rimay
Patricio Fernández, kamachiy kamay ñawpa llankakkunapak minkashka, 2022 hatunkullki ñawpa llankakkunapak yallichina kullkikunata tukuy kay pachakama nimata mana chaskishkata yanapankapak mana paktankuna, 230 hunu dólares kullkikunata yallichishkakuna kunanka kay 2019 shinapash 2020 watakunapi llukshishkakunaman yallichina chayashkakuna.
Edison Lima, Asociación de Organizaciones de Jubilados Técnicos, Pensionistas y Adultos Mayores pushak nirkami, IESS kamay wasi pakchi mañaymashkay charinami kan nirka, tukuy kamachikunata paktalla katishpa yanapanapak, mañaykunapi charishkakunata katishpa.
Ñawpa llankakkuna Luis Terán shinapash Carmita Piedra yuyaykunata rakirka hamutachaykunata hapichun, Mamallakta manu kullkita llakta ikaypakkunawan charishkata uriyachichun. Shinallatak, Raúl Yánez, Tukuy Ñawpa Chayachachikkunapak Tantanakuy pushak, maypikunapak llankaykunata paktachishkamanta kullkita tikrachichun mañankuna. Waranra waranka yachachikkuna mana kullkikunata hapishkakuna, chay llakikunamanta milkapankakunapi churana nirkakuna.
Gustavo Cedeño, Ecuador Mamallaktapak Ñawpa Yachachik Minkashka tantanakuy nirka, llika llankayñankunata yallishka pachakunaman churashpa kay IESS kamay wasita makichuranapak. Shukmanta Gilberto Carrillo mañarka, kikinyay Ecuador llaktapak kawsaykamay Wasi kullkikunata may alli mañaymashkayta rurachun rimankuna.
Minkashka pushak, Mireya Pazmiño riksichirka kay wanra pucha, 08h00 saylla pachamanta, 2022 Hatun Kullki Milkapanka rimaykunapak chaskikunawan kallarinkakuna nirka.
RSA/pv/gu-k
