Llakta Kullkiyay Yanapak Hatun Hamutachik, Margarita Hernández, kay llankaykatiy Minkashka tantankuypi Kullkichaskik Mañachik Wasi allichikunamanta riksichirka, raymi killa 2013 watakunapi paktachishkata, chikan chikan llakikunata mana alli paktachishkamanta hapishkakuna, 35 hunu dólares kullkikunata paklla llukchishpa ushashkamanta mana alli llankayta rikuchishkamanta, Sistema Único de Compensación Regional de Pagos (SUCRE) kamay wasiman.
Yuyarirka kay rikuy kamay wasi tikrachirkakuna mana alli kullkikunata rikushpa mutsurikunapi paktachishkamanta kay Kullkichaskik Mañachik Wasimanta Mamallakta Hatun Rikurayak Wasiman, maypika chay llakikunamanta sinchi huchachikunata paktachichun, kay pakalla kullki kashkimanta rikushpa, ama chay hatun millay llakichikunata rikurishpa katichun huchachikunapi 2014 watapi wichkana wasipi tiyachun paktachishkakuna tukuy kullki mañachi wasikunapi wankurishka runakunata hapishpa huchachirkakuna.
Llankak runa riksichirka, kaymi karka shuk kallari llakikunamanta riksishpa huchachishkakuna Kullkichaskik Mañachik Wasita chay millay kullkikunata hapishpa katishkamanta, Kullkillankayta Rikuk riksichirka kullkikunata pakalla washata hapishpa katishkata, chay pachamanta paktalla kullki mañanchi wasikunata rikurashpa katishkakuna.
Llakta yachachikuna.
Shukmanta, llankaykatiy minkashka tantanakuy uyarka kay, María Brown Pérez, Yachay Kamaywasiyukpak rimaykunata riksichirka, maypika kawsaykamay llaktayukkunapak manukullkita Mamallaktapak llaktakunapi yachachikkunaman charishkakunata riksichirkakuna, ashtawanpash kay 14 millones 541 mil dólares kullkikunata kay Ecuador llaktapak kawsaykamay Wasiman kullkikunata tikrachishkata riksichirkakuna, wawakullkikuna, wanachi kashna llakikunata washaman churashkakuna nirka.
Paktalla shuktak llankay wiñachikunapi kay tiksimantayachaypi, Mamallakta Killkakamayuk riksichirka, hatun paktay riksichishkata washaman sitashka yachana wasikunata allichinapak, maypika yuyashkakuna asha asha wawakuna yachay wasiman yallichun, shinapash mana sakishpa llika hayllikunapi yaykushpa yachaykuanwan katinapak chayshina pichka hunu 700 waranka runakuna mana chawpi yachay yachaykunata tukuchishkakuna nirka.
EG/pv/gu-k
