Hunta rimanakuy Mamallakta Tantanakuy, paktalla kay 739 chimpapuranakuy, ñawpak yuyay Orgánica para el Desarrollo Económico y Sostenibilidad Fiscal tras la Pandemia Covid-19 Kamachik kallari rimanakuywan katinkuna, utka kullki tiksimanta Mamallakta pushak chaninkuna.
Llankaywillay rikuykunapi Desarrollo Económico, Productivo y la Microempresa Minkashka rurashkakuna, kamachiy killkakkuna shuktak tantanakuymanta chikan chikan yuyaykunata riksichirka, mamallakta pushakpak rikuchikunamanta, chayshina tawka rikuykunata riksichirkakuna kamachiy killkak tantanakuykunapi chaskishka kachun manarak ishkay niki chimpapuraykunapi chayachishpa.
Chimpapuraykuna 21 rimaykuna paktarka. Pakachakutik llaktaypura tiyari, kay churaykunata 15 nikimanta 28 nikikama kay ñawpak yuyay mana alli nishpa paykunapak yuyaykachayta rikuchirkakuna, punkuta paskankakuna kullki yalli yaykuy tiyachun, shinapash mana kamachiyshka, shukutin chay nikita anchuchicun mañarka.
Izquierda Democrática Kamachiy killkakkunapak, maymutsurimi kan Mamallaktaman kullkiwan yanapanapak alli sinchikuyta rurashpa, isanki wanakuy chaskik chikanyashka tiyashkamanta; chaymanta, manupiti churashkakullkita mitakullkiman yallichinamanta riman kamachikpi churashkata, kallarina shina rikurin kay 3.500 waranka dólares killapi kullki chaskikkunamanta, shina chawpi samikunata ama llakichinapak nirkakuna.
Shinapash, Partido Social Cristiano tantanakuypi, mishanapak apuchikunata mañashpa puri rikuypi Mamallakta pushak paypak yuyarinakuyta paktachinapak riman, shuktak mushuk yuyaywan maskashpa kullki llankay kutin sinchiyachi shinapash llankay wiñachi, mana mushuk manukullkita wiñachishpa nirka.
Unión por la Esperanza llaktaypura tiyari mankashkakunapak kay rikuchi mana Ecuador mamallaktapak sayllu paktan, sawka tiyanmi kay ñawpak yuyay kamachikta rikunapak, tukuypak ima munashkakuna kaypi rikurin, maypika rikuykunaka chawpi samikunapi rikushkami mana hatun kullkiyukkunapakkunapi rikuy tiyanchu nirkakuna, Mamallakta wiñarikunapak paykuna yalli kullkiwan yanapay tiyana nirka.
Chaykunamanta, Mamallakta yuyarinakuy llaktaypura tiyarimanta kutinpash nirka, kamachiy killkakkuna kay ñawpak yuyay kamachik 3% Población Económicamente Activa (PEA) kunallatami llakichin, llaki kullki yaykunata charin. Kunan mamallakta llakikunata rikun chunka chusku watakunapi yalli pacha llakichskakuna, llankaykuna kullki wiñachikunata wakllichirkakuna shinami watanti kullkita wakichishpa yanapashpa shamushkata rimankuna.
Tukuy kikinyashka rimaykunamanta shinapash rimaykuna tiyarka, kamachikta yanapashpa katinkuna ashtawan kullkita kutinpash chaskichun shinapash hampina wasiman, yachayman chayshina shuktak llaktay yanapaykunaman tikrachichun shinapash shuktak rimaykuna llukshishka rikuchiy killkaykuna Fondo Monetario Internacional (FMI) rimaykunapi arininakuykunawan paktan. Chashnallatak, kullki wiñari tiyachun llankay wasikuna llaktayukkunaman llankaykunata wiñachikuna paktachun kay 40 chayshina 60 watakunata charikkunaman, warmikunamanpash yanapay tiyachun nirkakuna.
Tawka kamachiy killkakkuna riksichirka kay Desarrollo Económico Minkashka tantanakuypak llankaykunata musturikunata uyashpa shinallatak llaktayuk pukukun muskuykuna, tukuypak kamay wasi pushakkuna, Mamallakta kamaywasiyuk, manukullki yachayuk, kullkimanta rimak shinapash llakta tantankuy rantimanta paktalla yuyaykunawan ñawpak yuyayta kamachikpi churashpa paktachinapak rimankuna.
Kay paktalla rikuykunawan 62 niki 2º yupay kay Kamachiy Awlli Kamachik rikuypi, chusku punchakuna yallinkuna, hunta rimanakuy tukuchishka punchamanta katishpa, Hamunchashka Minkashka Mamallakta Tantanakuy pushakman chayachinka llankaywillayta ishkay niki chimpapuraykunaman, chaypi tantachinkakuna yuyaykunata killkashpa chayachinkakuna.
EG/pv/gu-k
