Kay Consejo de Administración Legislativa (CAL) hatun ñawpachi tukuy paktalla rikuy, kay chikan chikan ñawpak yuyay Mamallakta Ikay shinapash llaktayuk kamay kamachik katikunata rikurkakuna, wichkana wasi mana shinashpaka shuktak tiksimanta tantari, ashtawan kay Paktakay, Mamallakta Masma; Awkikay shinapash Tukuypi Kamay; chayshina, Mamakamachiy Paktachiy, Runahayñikuna, Sapsi hayñikuna chayshina kawsaypuray Minkashkakunapak tantanakuypi rikushpa katinkuna.
Chay yuyaypi tukuy minkashka tantanakuyman pushakkunata nirka, kanchis manu punchakunapi willaychaymanta pacha, CAL tantanakuyman shuk llankayñan killkayta kay ñawpak yuyay tiksimanta utkalla rikuykunapak chayachichun nirkakuna.
Kamachiy killkak Nathalie Arias paymi paypak pakta rikuykunawan kay llankayñan Paktakay Minkashka; Johanna Moreira kay Awkikay shinapash Tukuypak kamay; ashtawanpash Darwin Pereira kay Mamakamachiy Paktachiy minkashka llankaykunata rikushpa katinkakuna.
Mamallakta Tantanakuy pushak, Guadalupe Llori Abarca, kay minkashka tantanakuykunata utka rikushpa llankayta paktachichun shuk kayayta chayachirka.
Chaymanta, kay CAL chanirka ñawpak yuyaykunata kamachiwan paktachi, lutsayak, allichishka sinchita mutsuk; shukpalla kamay (ishkay); llika kamay, haylli kamay, haylli harkak shinapash haylli yuyaychay kamachik llankay paktachinapak chanirka, maypika kay Awkikay chayshina Tukuypak Kamay Minkashka chaykunata rikunka. Chaymanta, ñawpak yuyay Código Orgánico Integral Penal kamachik shinapash Killkay Kamachik, Mañaymashkay Kamay ashtawanpash Mamakucha, mayu larka harkaykunata mamallaktapi tukuy mamakucha wakllichi pachakunata allichinapak kay Tawkasami Kawsay Minkashka tantanakuymanta rikushka kanka nirka.
Shukmanta, mañaykuna rikushka kipa, kay CAL sukta arinishka apuchikunawan kamutarkakuna, Diego Ordóñez Guerrero, kamachikkapak shutipi paktalla asti rikuywan kallarirka, shukutin kamachiy killkak Mónica Palacios rimayta tukuchirka, paktalla rikuywan 173 niki Kamachiy Awlli Kamachik killkaypi katishpa.
Shuk nikimanta, kay CAL hatunhucha kunkariymanta tawka mañayta killkashkashpa chayachishkata riksirka, maypika Unidad Técnica Legislativa (UTL) ukuman yallichishka kan, mañay pankakunata paktachishkata kay Kamachiy Awlli Kamachikpi allilla paktachinapak rikuchun katinkuna.
Shukutin kay CAL yuyayta churay chayachipi chaninapak, Mamallakta Tantanakuymanta Killkakamayuk, ishkay manu punchakunapi chayachinka, kay Hamunchashka Minkashka tantanakuyman chay iñu rikuywan katichun, mañayta chayachishkakunata paktalla rikuywan kallarichun mañankuna.
Shinapash kishpiychi killkamañay chayachishka yacharkakuna chayshina kay Kamachiy Kamay Minkashka tantanakuyman chayachirka, Unidad Técnica Legislativa tantanakuyta apashka tukuy mañay pankakunata paktachishkata rikunapaka nirka.
RSA/pv/gu-k
