Mamallakta Tantanakuy pushak, Guadalupe Llori, Mamallakta pushak kayashka tantanakuypi aynirkakuna, maypika tawka kamay wasikunakunamanta pushakkuna chayarkakuna, wichkana wasipi hatun llakimanta wankurishpa llankanapak. Kay pachapi, “Wichkana wasi llaki tiyashkamanta Mamallakta yuyarinakuyta” paktachirka. Shuktak ruraykuna, Tantanakuy Kamachik Chaskinapak, Lutsayak, Allichishka shinapash Sinchi Mutsuk Kamachik ñawpak yuyayta utka paktachinapak rikunkakuna. Guadalupe Llori, yallishka hunkay punchakunapi hatun llaki yallishkamanta riksichirka, chikan chikan umpakuykunata hapishpa kashka millay llakikuna wichkana wasikunapi tiyashkata uriyachinapak, llakta manchachikunata uriyachinapak Mamallakta pushakman allichishpa yallichirka.
CAL hatun mutsuk kay ñawpak yuyaykunata paktalla rikuy Mamallakta kamay llankayta rikushpa chanirkakuna.
Consejo de Administración Legislativa, hatun utkay ñawpak yuyaykunapak kamachik Mamallaktapak Ikay chayshina llaktayukkunapak kamay, llakta wichana wasita paktachishpa shamunkuna Paktakay, Awkikay shinapash Tukuypak Kawsaykamay ashtawanpash Mamakamachiy Paktachiy Minkashka tantanakuypi rikuykunawan katinkuna. Tukuy Minkashka pushakkunaman yallichin, kanchis manu punchakunapi shuk utka llankayñan paktalla katinapak kay ñawpak yuyay kashka tismantakunapi rurashpa tikrachichun nirka. Shinapash achiklla apachun ñawpak yuyaykunata kay kamachik llankay, lutsayak, Allichishka shinapash sinchi mutsuk; Shukpalla Kamay; Llika kamay, hillay kamay, llika harkay, yuyaychay hillay; COIP mushukyachi; Killkay Kamachik, Kamay mañaymashkay ashtawanpash Mamakucha Ukllay chashnallatak mayu yallikta llakichishkata tukuy mamallakta kuchakunapi makashta allichinapak rikushpa katinkuna.
Tantanakuypak mayhan Wichkana wasi mamallaktapak mutsuk kashkata rikushpa harkanapak llakikunata rikushpa allichinapak katinkuna.
Hunta rimanakuy Mamallakta Tantanakuy chaskirka 131 arinishka apuchikunawan hapirka kay llankaywillayta Awkikay, Tantarinakuy shinapash Tukuypak Kamay minkashkaman tukuy taripaykunata tukuy kamay wasikunapi llankakkuna imashina hatun llaki wichkana wasipi tiyashkakunata, llaktayukunapak kamaykunapi makichurashpa allichishkata rikunapak katinkuna. Chay yuyaypi, mamallaktapak wichkana wasipi kawsakkunata rikushpa makichuranapak shuk mutsuk kan nirkakuna, alli chaskishpa mana aripaktachiyta llakichishpa, wichkarishka runakuna wañushkakuna, Ecuador llaktayukkunapak mana alli kawsay llaktay, ikaykuna llakipi katin ñankunapi shinapash kawsaypak wasikunapipash. Chaymanta, rikukkunapak kamay wasikunapak hawami kan, tukuy wichkarishka runakunapak kawsayta rikushpa kamanapak, Mamakachik rikuchikunapi willachishkata paktalla katishpa yallin.
Pushak Guadalupe Llori ñawpak yuyay Soberanía Alimentaria Kamachikta chaskirka.
Juan Montalvo pampa, kamachiy tantanakuy wasipi, mishukunapak ishkay niki tantanakuy, runakunapak ashtawanpash Afrodescendientes wankurishpa kay Salvador Quishpe, Dina Farinango tantanakurka, Guadalupe Lori Abarca, Mamallakta Tantanakuy pushakman ñawpak yuyay Soberanía Alimentaria Kamachik killkayta chayachinapak. “Kay mushuk Tantanakuy chaskin chayshina napan tukuy llaktakunamanta ashtawanpash kawsaymarka mamallaktamanta wawkikuna, chakrakamayukkuna ashpakunapi tarpuykunawan punasuyu, kunuk allpa ashtawanpash Antisuyukunata chaskirka chayshina naparka”, Mamallakta Tantanakuy pushak riksichirka, wankurishpa rimanakuypi kamachiy wankurinakuy llankankuna, kamachikkunapi tukuy kamaykunata sikchiyachinapak chayshina punkukuna “llakta ushay wasika” punchanti punchantimi paskashka tiyan nirka. Kay kamachik mushuk yuyay paktalla “hatun katuyranti ayllukunapak chakrakamayukkuna, ayllukunapak llankay murukunata” chayachirka.
Tantanakuy kay 2022 Kullkillankay riksichik panka chayshina 2022-2025 chuskuwatakunapak llankayallichita rikurka
94 arinishka apuchikunawan kay Hunta rimanakuy 2022 Kullkillankay riksichik panka ashtawanpash 2022-2025 chushkuwatakunapak llankay allichita rikurkakuna, paktalla kati kay Mamakachik 295 niki, Mamallakta pushak, shuktak unpakuykunata llakta yachay shinapash hampikunapi chayachishkata rikuchun, Mamakamachik killkaypi watanti watanti paktalla wichiyachi katikushkata kamanapak llaktayukkunapak mutsurikuna wichiyarishpa llakikushkata katinkakuna. Chaymanta, churashkakunata manashinashpaka yanapaykunata rikuchun mañan, sumak yachana wasi chayshina sumak ruraywasi mushuk yachakukkunapak watanti watanti yachayman yallinapak muskunkuna, mitachi mirarikushkakuna, shinapash kutin taripaykunawan kallarinapak, kullki wiñari llaktayukkunapak may alli llankay katichun. Chashnallatak, ñawpa llankakkunaman manarak kullki tikrachishkakunata yallichichun chayshina hatun yachana wasikunaman yanapanapak, wichakarishkakuna llaki kawsaypi yallikushkata kullki churashkata rikunkuna.
Hunta rimanakuypi ukta kullki ñawpak yuyay achka chimpapuraykuna paktarka
Hunta rimanakakuy Mamallakta Tantanakuy kallari chimpapuraykunapi Kullki Wiñariy shinapash Charirayanalla Killkillankay Covid-19 llakichishkamanta katirkakuna, Utla kullki tiksimanta Mamallakta pushak chanishkakuna. Kullki Wiñariy, Pukukun chayshina Uchilla Llankaywasi Minkashka llankaywillayta allichishkakuna, kamachiy killkakkuna tukuy llaktaypura tiyarikuna kay Mamallakta pushak rikuchimanta paykunapak yuyaymanta shuktak mana alli iñukunata tiyashkata rimarkakuna, maypika kamachiy tanatanakuykuna ishkay niki chimpapuraypak hapishpa allichishka tiyachun.
Kamachiy Tantankuy warmikunapak shutipi llaktay millayta manyaman sitachun mañan
Hunta rimanakuy Mamallakta Tantankuy 130 arnishka apuchikunawan paktachirka, tukuy warmi kamachiy killkakkuna, kamachik killkak wasipi llankakkuna, warmi pushakkuna chikan chikan niki pushakkunapak llaktay millaykunata manyaman sitachun mañankuna, shinapash, mayhan kashna hatun llakichikunata paktachishkata kunan kamachikkunapi killkakatishpa, yanapay, wanay, chashna makashpa wakllichikunata pitishpa paktachikuna tiyachun rimankuna. Kutishuk iñupi, kamachik tantanakuy Santiago Cadena, Nary Galarza runakunata akllarka, Llaktayuk Minkashka tantanakuypi kimirishpa llankachun, maypika paykuna Mamallakta Llankayta Rikuk Kallari hatun pushakta rikushpa akllashpa llankaypak churachun. Akllaykunami kariwarmi paktapuralla tiksiyuyay sumakchaykunapi katishpa akllayta paktachinkuna.
Ñawinchiy chayshina umachik rikuy kamachik tantankuypi mana washapi sakirinchu
Ñawinchiy Minkashka achka llankayñankunata paktachirka, paktalla rimaykunata hapiwan katishpa llaktay ñawinchi katiwan kay Víctor Anchundia, hatun hamutachik kamaywasiyukta, kamachiy killkakkunapak Luis Almeida ashtawanpash Ricardo Vanegas chayachishkakuna. Kay hunkay punchakuna pushakkuna, llankakkuna shinapash ñawpa llankakkunapak yuyaykunata chaskirkakuna. Allikak Minkashka tawka ñawpak yuyay llankaywillayta killkaywan kallarirka, kamachik tantankuypi rikuypak chayachinapak, shukutin tukuy tiyashka pankakunata chaskishpa tukuchishka hawa, kay huchachikunata Eckenner Recalde kamachiy killkakpak shutipi paktalla taripaykunata katishkakuna. Llakta Ayninakuy Minkashka tantankuypi, CNT hatun pushak, mitachi kamachik yanapay llakita makichuray llankaypak yuyarinakuy paktachishkata riksichin.
Hunta rimanakuypi rikunapak tawka kamachik llankaywillayta arinirkakuna
Kay Enmiendas Constitucionales Minkashka arinirka, llankaywillayta ishkay niki chimpapuraykunapak ñawpak yuyay tantachi Mamakamachik 258 niki paktachin, Consejo de Gobierno de Galápagos pushak tukuy llaktayuk apuchikunawan akllashka kanka nirkakuna. yakumuyuyallpa kamachichishka akllayta llaki rikuchikunata ama arinichun mañan. Tawkasami kawsay Minkashka llankaywillayta kallari shuk niki chimpapuraykunapak ñawpak yuyayta shinapash Chukikamay Kamachik mushukyachinapak llankaywillayta arinirkakuna, llaktakunaman yallishpa tapuykunata ruranapak shinallatak rikunapak kay urku ukllashkata, chukikamay llankana minkay, chukikamay mukllayachishka, yakuta kamay, chukikamay shinapash willay hayñi llankay wichkayta rimashpa katinkuna. Mamakachiy Paktachiy Minkashka tantanakuy, kay llankaywillayta kallari shuk niki chimpapuraypak ñawpak yuyay Apoyo Humanitaria Kamachik mushukyachinapak arinirkakuna, Covi-19 unkuywan llakichishkakunata allichishpa sakinapak, Ecuador llaktakunapi shina llakikunata tiyashkata alliyachinapak rikunkuna. Relaciones Internacionales Minkashka, llankaywillay paktachishkata kay Ecuador Mamallakta pushak chayshina Belarús Mamallakta pushakwan, sumak hatun yachay tukuchishkata llika pankapi churashpa allichinapak arininakuy rikuyta arininakurka. Kay llankaywillay kallari chimpapuraypak ñawpak yuyay Tukuypak Mitachi Kamachik mushukyachinapak, maypika mamallakta ñawpak pushak shinapash shukutin Llankay Hayñi Minkashka tantanakuymanta arinishka hawa kipapushakkunaman kullki yallichi rikuywan Hunta rimanakuypi katinapak ñami kan rimankuna.
Kamachik Ñawpak yuyaykunata chimpapuraykunapi llakta yachayukkuna aynirkakuna
Hampirinapak Hayñi Minkashka tantanakuy, ñawpak yuyay sitashka shinapash mukllayachishka mikuna murukunata, yarihayta uriyachishpa llankanapak Kamachik mushukyachinapak yuyaykunata chaskishpa katinkuna. Rubén Salazar, La Favorita llankay wasimanta, harkanapak shinapash uriyachinapak mikuna murukunata mukllayachishpa sitashkamanta alli pacha hapishpa wachka kawsakkunaman karanapak llankaypi katikushkamanta makita waktarka. Minkashka tantanakuy Uchilla shinapash Wamrakunapak llaki kawsaypi rikushpa kamaypak llankachun, churashka kay Ministerio de Inclusión y Económica y Social (MIES) chaskirka, tantarishpa llankaywillayta chaskinkuna, ashtawan mamallaktapi rukuyayamamakunata chaskik shinapash makichurak wasikunapak llankayta rikunapak chaskinkuna. Soberanía Alimentaria Minkashkaman challwa llaktayukkunata minkashkakunata chaskirka, maypika llankaywillayta kallari chimpapuraykunapak kay ñawpak yuyay Yakukuchapi, Challwa Kamachik mushukyachinapak arinishkata rikurkakuna, tawka kutin iñukunamanta riksichishpa chikan chikan tantanakuykunamanta, llakta challwa tantanakuykunapak yuyaykunata chaskishpa shamushkakuna.
PV/gu-k
