Kay tukuy rikuy llaktay ñawinchi killkamañayta churashkata rikuywan Víctor Anchundia, Hatun Hamutachik Kamay wasi pushakpak shutipi huchachishka pankakunata chaskishpa katinkuna, kay Llankaykatiy Minkashka tantanakuypi, Ricardo Vanegas, Luis Almeida, kamachiy killkakkuna mushuk huchachishka pankakunata chaskirkakuna. Soad Mansur ñawpak llankak shinapash Íñigo Salvador, Mamallakta Kamachiy Yanapak tapuykunata tikrachinapak chayankuna.
Ñawpa Hatun Hamutachik kamay wasi, Suad Mansur, paypak llankaypi watakunapi wasi chani llakichikunata mana riksishkata rimarka. Maypika rimayta ushashka, pawkar killa 2017 watapi, manarak llankaymanta llukshishpa, Instituto de Seguridad Social de la Policía (ISSPOL) yanapak kullkiwan llankayta paktachishkata yacharka, chani wasimanta, mana kay iñuman paktarkakuna, manukullki pushay paykunapaklla kullki yallichi kan shina llankayta paktachichun Kullkillankayta Rikuk willarka.
Mana nima huchachishka pankakunata chaskishkata riksichirka wasi chani llakikunata, kay 2018 watapi yachayman chayarka, llankayta sakishka hawa yacharka.
Paypak manyamanta, Íñigo Salvador Mamallakta Kamachiy Yanapak kutichirka, paypak mishay llankayta riksichirka, Mamakamachik shinapash shuktak kamachik killkaypi, tukuy kamay wasi tapuykunata kutichishpa ima mutsurikunapi katishpa, chayshina huchachikuna yallishka wanayta Mamallaktapak ima mutsurikunapi katishpa llankayta paktachinapak.
Chay pachakunapi, Mamallakta Kamachiy Yanapak ukumanta kay ISSPOL llankay wasita tapuykunata tikrachirka, maypika tukuy wankurishkakuna, chayshina (chapak runa) yanapan kamay llaktayuk ikaykunata allichin tupuypak kullkita mutsurin. Makichurashpa llankayta paktachik wasi, kay paktalla kakachik paktachita ari nirka. Dirección de Patrocinio kamay wasimanta ISSPOL kamay wasita katinkuna maypika ista mamallakta Estados Unidos llankayta Miami llaktapi llankayta apakushkata rikunapak tukuy shukpalla llankay wasikuna Ecuador mamallaktamanta chaypi wankurishpa kullkikunata tantachishpa katinkuna. “Shuk yuyarinakuyta paktachishpa kamachikkunapak yanapayta hapishpa kay Norteamérica llankaypak pankata aspinata”, rimankuna
Chaymanta Orlando Vélez, Consejo Directivo del ISSPOL kimirishpa ñawpa llankak chayarka, ñawpa chapakkunapak shuktipi chayarka, chay tukuy yanapay wasikunamanta mana chay llakikunata yachashkata rimarkakuna.
Tukuri pachapi, Gustavo Wray, Agripac ñawpak pushak, Ecuagran llankay wasiwan arininakuyta paktachirkakuna chayshina kipaman achinata rikurkakuna. “Mana Ecuagran charishkata katuypak chri ushashkata tarishkata”, nirkakuna.
Shamuk awaky puncha, 22 sisa killa, Minkashka tantanakuy kutin ima mutsuri pankakuna yapalla tiyashkata huchachikunamanta kay Víctor Anchundia, hatun hamutachik kamay wasi llaktay ñawinchikunapak chaskiwan kallarinka. Lakkari sayalla pachapi José Serrano, Mamallakta Kamaywasiyuk rimata uyankakuna, kipaman, Ricardo Vanegas, Luis Almeida huchachishka pankakunapak rimaykunata uyankakuna, maypika paykuna achiklla rikuchikunata chayachinka, tukuri pachapi, huchachishka ñawpa llankak runa Víctor Anchundia, paypak hayñikunapi rikushpa katinkakuna.
EG/pv/gu-k
