Mamallakta Tantankuy pushak, Guadalupe Llori Abarca, sukta chunka pusak watakuna Morona Santiago marka wiñachishpa paktashkamanta llakta rimay tantankuypi aynirka. “Kay achka kushikuywan kunan kay ñuka kuyashka Morona Santiago markaman aknashpa wankurini, Mamallakta Tantanakuywan wankuripashun kay llaktaypi kullki llankay kutin sinchaiyachinapi llankanapak, tiksiyay mutsuykuna mirachinapak, yachayta shinapash allikayta sinchiyachinapak, llankayta charinapak ashtawanpash Antisuyu alli paktachita sinchiyachinapak”, riksichirka.
Chaymanta, pushak kay Tantanakuy punku paskami kan kutinpash nirka, llaktayukkunawan makimanta hapishpa llankan, kawsaypak shinapash Ecuador mamallaktamanta wankurishpa kamachik; muskuykuna, rikuchikuna, llaktakunapak unancha makay, alli shamuk pachamanta”, rimarirka.
“Pachakawsay hayñikunata kamakmi kani, Antisuyu shinapash Orellana hayñikunata kamay ashtawanpash ñuka kishpikayta kukmi kani; waktanakuk warmimi kani, imamanta rimay; uyak; shiminik warmimi kani; paktachik; imamanta makay, huchay. Llaktay millay ñukamanta, Tantanakuypak millay huchachishka rimay, llulla willaykuna, kamachik manchachi, mana harkankachu”, Mamallakta Tantanakuy pushak rimarka.
Paymanta, Rafael Antuni, Morona Santiago Markapuk, Guadalupe Llori Abarca paypak unancha shinapash pushakay llaktayta rurashkamanta, Antisuyumanta kallari warmi Mamallakta Tantanakuy pushayta apakushkamanta shuk unanchakillkata kurka.
Shinallatak, Tantanakuy pushak, shuk kamachiy yuyarinakuyta chayachirka, sukta chunka pusak watakunata paktachishkamanta, hatun napayta Morona Santiago marka pushakkunaman chayshina llaktayukkunaman chayachirka. Kutishukmanta, paktalla paskayta shinapash nishkata shuk wankuri llankayta tantarishpa apanapak, tukuy llaktayukkunapak hatun mutsurikunapi paktachinapak kutinpash arinirka.
Guadalupe Llori chay tantanakuypi kaychay hikuyta paktachirka, Antisuyumanta markakunamanta pushakkunata kayarkakuna, kay paktalla Akllashka Antisuyu Kamachik taripaykunapi ayninapak, wacha puncha chusku kapak killa paktachinkakuna, maypika chusku iñukunata rimankakuna: llankay shinapash utka tukuypak ninakushka; Kitilli, kiti, marka Karupi Kikinllatak Kamachik apukkunaman chunka kimsa killakunata Kullki Wiñariy yallichikunata mana tikrachishka; shuktak kullki yallichita kay tukuyman kullki paktachi; ashtawanpash, sumak hatun yachana wasi wiñachiy paktalla yanapachun kayankuna.
Chaymanta kutinpash nirka kay Tantanakuy tukuypak alli kawsaypak llankan, yallishka hunkay punchakuna Hunta rimanakuypi rimarkakuna, shuktak iñukunata, 2022 hatun kullki milkapankata, Mamallakta pushakman maymutsuri rikuchikunata paktachishkata willarka; ñawpak yuyay utka kullki wiñariy chayshina charirayanalla killkillankay kallari shuk niki chimpapuraypi paktachirka; chayshina, hatun chimpapuraykunawan, wichkana wasi shinapash llaktayukkunapak hatun llaki ikaykunamanta sinchiyuyarita, kanchik chunka minkaykunawan utka llakikunata allichichun anirkakuna.
EG/pv/gu-k
Más fotografías:
