Allikak Minkashka tantanakuy kay llankaywillayta José Chimbo, pushakmanta chayachishkata, maypika kay Eckenner Recalde, kamachiy killkakta shitaypak minkashkata arinirka, amatay paktachishkakunapi yallishka kay 127 niki, chusku yupay Ecuador Mamakamachik chayshina 163 niki, chusku yupay, Kamachiy Awlli Kamachikpi tukuyta killkashka tiyan, llankayta yallichinapak kullkita chaski mañaymashkayta rurashkamanta willachinkuna.
José Chimbo kay Allikak Minkashka tantanakuy kay taripay katikuyta achiklla kawsaypaklla yuyarinakuy shinapash aripaktachiywan rurarka nirka, pakta taripay katinakuyta sumaychashpa chayshina huchachishka runapak harkay hayñikunata kamashpa, 76 niki Mamakamachik nishkata rikun.
Shukutin llankaywillayta arinishka hawa, kay 166 niki Kamachiy Awlli Kamachik paktalla rikuchin, Minkashka tantanakuy pushak, ishkay manu punchapi, Guadalupe Llori, Mamallakta Tantanakuy pushakman chayachinka, paktalla tantarikillkakunata arinishka apuchikunawan shinapash shuk llanyawillayta kamachiy killkakkunapak nishkakunata rikuchinkakuna, ashtawanpash imarayku Recalde Kamachiy killkakta shitanapak tiyashkata willachinka.
Ista rimayachakuy
Ishkay niki tantanakuypi, José Chimbo, kay “Llaktay Allikak Tukuylla Mañaymashkay” yalli Ista rimayachakuyman kayankuna, shamuk pusak kapak killapi rurankakuna, llankakuna shinapash kamachiy killkakkunapak makipi apankakuna.
KC/pv/gu-k
