Ista Purarikuna chayshina Runa Yallikuna Minkashka tantanakurka, kay awaki puncha Ecuador tantalla China kamachiy yuyaypaktachiyta rikunapak, kay rantimanta kamachik allichi wanachiy tiksikunamanta tantachishka ñawpak yuyaywan, Riksichiy chayshina Ñitik Kishpiykayta Ukllay, Yuyay, Willay Rimay Paktachiy kallarinapak rikunkuna.
China Mamallaktawan kamachiy yuyaypaktachiy
Kallari shuk niki yachaywa, Marcelo Vázquez, Ista Purariy Kamaywasi minkashka, ista yachay kamachiy yuyaypaktachita riksichirka, maypika kapak killa 2018 watapi arinishpa pankata aspishkakuna, Pekin llaktapi, kashna Awkikay, Paypura chayshina rantimanta makichuray sumaychay tiyachun nin.
“Kay kamachiy yuyaypaktachiy rantimanta wankurishpa makichuranapak kan kay chikan chikan mamallaktakunawan kamachik tiksikunapi, awkikay, paykura, ishkantimanta ranti ranti yabapay sumaychay tiyachun”, riksichirka.
Chaymanta yachaymanta Fernando Altamirano, rimarka, kay ista kamachiy yuyaypaktachiy shukshinalla rurashpa shuktak kamay wasikunawan hamutashpa llankapak riksichirka, paypura Mamallakta Tantanakuy umachik rikuyta ruran. Kashna shuk sinchi arininakuy maymutsuri kan chikan chikan yuyaykunamanta rikushpa katinapak kay Mamakamachiy Hayñipi, Tukuypak Ista Hayñikuna shinapash Anchahucha Hayñi, willarka.
Minkashka tantanakuy pushak, Juan Fernando Flores, kay iñukunamanta shuktak tantanakuykunamanta minkashkakunata uyankakuna, maypika shamuk punchapi China Mamallakta llaktakamayuk ista mamallaktamanta chaskinkakuna.
Rimay kishpiyri
Shuk iñupi, minkashka kay Paktachiy, Riksichiy chayshina Ñitik Kishpiykay Kamay, Rimay, Yuyay shinapash Willaypak Kamachik ñawpak yuyay tantachishkata paktalla katinamanta hamutankuna katinkuna.
Katikunapi, Alan Añazco, minkashka yanapak llankaypi nirka, kay kamachik charin shuk hatun paktayta kamay, ñawpachiy chayshina kay Ñitik Kishpiykay Kamay llankayta ukllaypak, Rimay, Yuyay Willay shinapsh Willanakuy Hayñikunata Kamachik, Mamakamachik chayshina Ista haylli runahayñikunata rikunkuna, chashnallatak Llaktayuk Ayninakuy, Tawkay, Tawkasami shinallatak shukllakawsaypura shuktak hayñikunapi llankayta sinchiyachinapak.
Kamachiy killkak Majorie Chávez nirka, rimay kishpiykay shuk mamakamachik hayñimi kan maypika sumaychashkami kana.
ES/pv/gu-k
