Hunta rimanakuy Mamallakta Tantanakuy, paktalla kay 745 chimpapuraypi, Allikak Minkashka tantanakuypak llankawyllayta chimpapurarkakuna kay huchachikunata Johanna Moreira, churashka kay Eckenner Recalde, Kamachiy killkakpak shutipi katichun, shinapash 163 niki Kamachiy Awlli Kamachik (LOFL) killkaykunapi hatun wakllichi llankayta harkan. Chayshina, yuyakunata churashkakuna Eckenner Recalde Kamachiy killkakta llankaymanta manyaman churachun, 71 arinishka apuchikunata hapirka, 63 mana mayhanman apuchita kurka, shuk apuchik mana yanapan, tikuykunamanta mana paktachi usharka.
Manarak, Eckenner Recalde paypak kamay hayñita paktachirka, kay 166 niki LOFL Kamachik killkaypi paktachishka. Tukuy huchachishka malli pankakunata tantachishkata kay Allikak Minkashka tantanakuyman yallichishkata shinapash kay kamay ukupi mana chaskirkakuna.
Paypak manyamanta, Kamachiy killkak huchachik, Johanna Moreira, Mana hawallachu kan kay Hunta rimanakauy Mamallakta Tantanakuypi yallishpa rimanaka, kay ñawpa mashita kutinpash huchachishpa katinapak chayshina shuk llankaypachata kararka mamallaktaman achiklla llankayta chayachichun, llakimana pacha, hatun llaki llankaykunata churashka chaymanta kuyurimuy tantanakuy huchachinapak sakinapak mana manyaman churashka. Kay Hunta rirmanakuy Allikak Minkashka llankawillayta hapishpa chayshina kamachiy killkakta huchachishpa llukchichun.
Chimpapuray
Chimpapuraykunapi chunka shuk rimakkunata hapirka, tukuymanta, Allikak Minkashka tantanakuyman kimirikkuna rimarka, wankurishpa tantanakuykunata rurashkata yanaparka, pakta taripay katina sumaychay ashtawanpash tukuy malli huchachishka pankakunata taripay satallichakuy katikunapi makichuray tiyarka.
Kamachiy killkak Unión por la Esperanza (UNES) kuyurimuymanta, llankaymanta llukchinapak nishka yuyaman mana arinishpa apuchikunawan yanaparka, maypika paykunapak rikuykunapi Recalde Kamachiy killkakpak shuktpi mana achiklla huchachikuna tiyanchu nirkakuna
Izquierda Democrática kuyurikuypi kutinpash mañarka paypak ñawpa minkarishka mashita nirka, maymutsurimi kan huchachi pankakuna tiyashkata tantachishpa shuwaykunamanta makanapak, kashna llakikunata mana shuk kuyurimuy tantanakuyllatachu llakichin, Mamallaktapak Tantanakuykunatami wakllichin nirka.
Kay Bancada del Acuerdo Nacional (BAN) kuyurikuymanta, tukuy huchachishka pankakunata chaychishkata kay rimaykunapi rikuchikunaka mana mana achiklla rikuchikunachu rukurin, maypika Recalde Kamachiy killkak kay 163 Kamachiy Awlli Kamachik tukuy llakikuna mana nishkata wakllichirka nishpa riman.
Tukuymanta, Partido Social Cristiano kuyurimuymanta, kay Tantanakuyka mana saywa ukuchu kan nirka, tukuy pankakunata huchachishpa tantachishka mana allilla paktachika rikurin kay saywa uku kamaypi allichinapak rimankuna.
EG/pv/gu-k
