Kay Hunta rimanakuy Mamallakta Tantanakuypi, paktalla 746 chimpapuraypi, Yakupillamkay shinapash Challwa Wiñariy Kamachik ñawpak yuyay mushukyachinapak kallari tantanakuypi kallarirkakuna, chaymi charin shuk hatun paktay kan allichinapak chikan chikan challwa llaktay chayshina challwa kapuchik wasi, chay washa charishkata apachinapak, shinallatak wanaykuna chayshina wanachikunata rikushpa churanapak, kashna llankaykunapi llakikunapi chayashkata paktalla sinchiyachinapak.
Paypak manyamanta, kamachiy killkak, Xavier Santos, Soberanía Alimentaria Minkashka tantanakuy llankaywillayta hawayachik, kay kamachiy mushukyachi kunan killkay pankata tiyakushkata allichinapak maskan nirka, tukuy sami challwa tiyashkakunata makichuranapak. Kay wanay kamachichishka paktachishka kay ñawpak yuyayta tiksiyuyay rikuchin allichishpa; chaymanta, kutinpash nirka kay uchilla challwa minkashka tantanakuy Ecuador kunuk llaktaman yallirkakuna, chikan chikan chllwa tantanakuy minkashkakunawan tantarishpa paykunapak mutsurikunawan shamushkata uyanapak shina kay kamachikta mushukyachinapak, achka yuyaykunata tantanakuypi riksichishpa katinapak.
Chimpapuray
Kay chimpapuraypi chunka shuk kamachiy killkakkuna ainirkakuna. Chaypi paykunapak yuyaykunata chayachirka kay mushukyachi may alli pacha kamachun, mamakuchapi llankakkunapak kamayta sinchiyachichun, shukmantapash, challwa llankaypi kawsakkunata yallita pacha makichuranapak katinkuna. Shinallatak, shuktak yuyaykunata mushukyachichun kay Minkashka tantanakuyman chayachichun nirkakuna, maypika tukuy llaktayukkunapak yuyaykunata uyanapak shinapash chaskinapak shuk llankaywillayta wiñachishpa ishkay niki chimpapuraypi chayachinapak.
Tukuymanta, chawpi paktaypi tantachishpa churanapak rikunkuna kay challwa llakta shinapash challwa kapuchik wasi, maypika tantachishpa challwa llaktayukkunata chayrak shinalla makiwan llankakkunata wakllirishpa purikkunata yanapanapak, maypika hillaykunata hapishapa llankayta apachun, chikanyachishpa ama llakipi yaykuchun.
Tukuy kamachiy killkakkuna satallichak rikuchikunapi makichuranapak ashtawanpash kamachik maymutsuri kan shuktak challwapi punchanti punchanti llankakkuna llakimanta llukchinapak, hatun mamakuchapi kamay llankakkunata wankurishpa allichinapak, chikanyachinapak ishaky llankakunapak tantanakuyta.
Manarak chimpapurayman yaykushpa, hatun minkashka tantanakuypi tukuy challwapi llankak tantanakuynata chaskishka yallirkakuna, paykunata rimarirkakuna, paykunata chayshina kamachikkunatapash yanapay, imashina paykunapak mutsurikuna. Gabriela Cruz, Federación Nacional de Cooperativas Pesqueras del Ecuador (Fenacopec) tantanakuymanta; René Carrasco, cangrejero llankaymanta; Pablo Vélez, Manabí Markapi Challwapi llankak; chayshina, Segundo Quinteros, mushukyachinapak yanapankuna, imashina kay wanachikunapi tiyashkata chashnallatak chikan chikan llakikuna tiyashkata rikushpa paktachinapak kay Yakupillamkay shinapash Challwa Kamachik killkaypi katishpa.
Shinapash, Pedro Muñoz; Mariana Quijije, Mar de Posorja mashikuna; Mariana Benítez y Galo Plaza, Federación de Comunas del Pueblo Puná tantanakuymanta, pusak millas mushuk rikuchi mushukyachinamanta paykunapak rimaykunata chayachirka, llakta challwa tantanakuy llankayta sinchiyachinapak nirkakuna.
Shuk niki tantanakuyta tukuchishka kipa, kallari shuk niki kipa pushak, Virgilio Saquicela, kay Soberanía Alimentaria Minkashka tantanakuyman ñawpak yuyayta tikrachichun mañan, tukuy mañashkakunata killkachun shinapash yachachun manarak shuk llankaywillayta killkachun kay kamachikta ishkay niki chimpapuraypak nirkakuna.
EG/pv/gu-k
Más fotografías:
