“Llakta ushay wasiman alli shamuyta charipaychik, mushuk Mamallakta Tantanakuy punkuta paskashpa kawsaypak kamay wasi”, Guadalupe Llori Abarca, Mamallakta Tantanakuy pushakpak rimaypi Unidad Educativa San Vicente Ferrer Puyo kitimanta yachakukkunata alli shamuyta chayachirka, maypika “shuk puncha Kamachik killkakkuna” minkashkakunapak tantankuypi tukushpa aynirkakuna.
Kay “shuk puncha Kamachik killkakkuna” tukushpa apak, shuk llakta ayninakuy hillay kan tukuy llaktayukkunaman imashina kamachik tantanakuypi llankaykunata riksichinapak chayshina kamachik ñawpak yuyay chimpapuraykunapi ayninakushpa, umachik rikuy ushaypi, paykunawan, Mamallakta Tantanakuy mañaymashkayta runakunaman chayachinapak.
Tukuy yachayukkuna Mamallakta Tantanakuy wasiman yallirkakuna chayshina Karupi Kikinllatak Kamachik, Allikay Hayñi, Ñawinchiy Minkashka tantanakuykunapi ayninakurkakuna. Ashtawanpash llankaypachakunapi kay Hunta rimanakuypi Chukikamay shinapash kay Mamakucha, Challwapi Llankay Kamachik ñawpak yuyay mushukyachinapak chimpapuraykunapi uyayta charirkakuna.
“Shuk yapalla yachayachayuk kan, wiñaykawsayta riksikmi kanchik shinapash wamrakunakashpa achiklla yuyayta hapinchik yachaypi shamuk pachakunaman paktalla rimayta sinchiyachinapak, wamrakunapak yuyaypi llaktakunata mushukyachi tiyachun”, Marco Paredes, Kamachik tantanakuypi “shuk puncha Kamachik killkakkuna” tukushpa paypak yuyayta riksichi ayninakuypi yachay wasimanta wipalashkaruna rimarka.
Anahí Yandún, Joel Paredes kushilla shinapash minkarishkami kanchik nirkakuna, maypika kunan shuk niki Antisuyu warmi Mamallakta kallari shuk niki ushayta pushak tukushpa apan nirka. Mamallakta Tantanakuy Guadalupe Llori, umachik chayshina kamachiy llankaykunata wamrakuna munashkamanta kushilla rimarka shinallatak tukuy llaktayukkunata mañarka, punchanti punchanti 137 kamachiy killkakkuna Ecuador 17 hunu runakunapi yuyashpa llankashpa katikushkamanta rikuchin kayan. “Mamallakta Tantanakuypak wamrakunapak rimaykunata riksinakuyka maymutsuri kan”, Pushak rimarka.
Mamallakta Tantanakuy kamachik shinapash ñawinchiy llankayta apakushkamanta, tawka yuyaykachay llaktayukkunapak ayninakuyta cacharin, maypika muskun kamanapak chayshina sinchiyachinapak llakta ayninakuyta chikan chikan kamachik yachaypi, ñawinchiy, umachikta rikuykunapi yachachinapak; shinallatak tukuy llaktayukkuna kamachiy killkakkuna, shuktak minkashkak tantanakuykunawan mayayashpa tantari llankayta paktachinapak. Shuk chay yuyaykachay kan “shuk puncha Kamachik killkakkuna”, maypika unanchikrimay hayñiwan kay kamachik ñawpak yuyay imapak llankakushkapi rikushpa ayninkakuna, tukuri pachapi shuk riksiriy pankata tikrachinkakuna.
KC/pv/gu-k
