Kay chillay puncha, 08 sasi killa, 80h00 saylla pachamanta, Tukuypak Hampi kamawasiyuk, Ximena Garzón, IESS wankuri tantanakuy pushak, Francisco Cepeda, Hampi Hayñi Minkashka tantanakuypi hampi murukuna mana tiyashkamanta riksichinkakuna, kay akllashkapi, cáncer llaki unkuywan tiyashkakunaman mana alli hampi chayshina shuktak llaki unkuywan kawsakkunata, mana riksishka shinapash yayamamakunata mana charik.
Ñawparashpa, kamachiy killkakkuna Consejo de Administración Legislativa (CAL) tantanakuy, sikchiyuyarikunata riksichirka kay Minkashka tantanakuy hampina wasipi llankakkunata taripaykunata rurashpa katichun tawka hampi mutsuri murukunata mana charishkamanta kay hanka runakuna, achka llaki unkuypi tiyashkata, mana riksishka unkuy chayshina yayamamakunata mana charikkunaman rikushpa yanapaykuna mana achiklla tiyashkata rikunkuna, shinapash Mamallakta Hampina Wasikunapi tukuy hampi murukuna yallilla tiyachun nirkakuna.
Paktalla kay 75 niki Kamachiy Awlli kamachik rikuchikunapi, Ximena Garzón kamaywasiyuk, riksichinkakuna nirka, achikllakunapi paktachishpa, Covid-19 kutin unkuykunawan minrarishpa shamukushkamanta uriyachishpa katinamanta; shina shuktak allichiy rikuykunata hapishpa kay Ómicron unkuyta makanapak nirkakuna.
Shinallatak, satallichak llankaywillay shinapash hatun kullkikuna mana hampi murukunata rantinapak Ecuador Mamallakta Hampi Wasikunaman chayachinapak mutsurishkata riksichinkakuna nishpa rimarka.
Kipaman, 10h45 saylla pachapi, IESS Tantanakuy pushak, Francisco Cepeda riksichin, tukuy marka Seguro Social Hampi Wasikunapi hampina murukunata mutsurishkata riksichirka. Shinallatak, kay IESS hampi ukukunapi shuktak rikuykunawan katikushkamanta, kashna tukuy llankakkunapak hampina wasikunapi llankayyuyari pankakunata aspishkallami tiyan shinapash paktalla katikunawan nishpa rimankuna.
RSA/pv/gu-k
