Kullki wiñariy, Kapuk shinapash Uchilla llankaywasi minkashka tantanakuy, Llankay Wiñachik, Mushukyachi Llakta Kapuchikunata Mutsurikunata Mirachinapak Kamachik killkayta mushukyachinapak ñawpak yuyayta yachaykunawan katin, tukuy uchilla kitikunapi, shuk hilaykunawan llankaykunata wiñachinapak.
Kamachiy killkak Diego Esparza, mushukyachinapak yuyayta churak, wayru killa 2021 watakama mamallaktapi llankayta mana charikuna 4,6% chayan nirkakuna, maypika rikuchin kay 386 waranka asha yalli runakuna mana llankayta charin nirka. Kay Ecuador Llaktapak Kullkikullka ukumanta nirka, 2020 watapi mamallakta 7,8% del PIB kullki wakllichikunata charirka, chayshina, sukta waranka hunu dólares kullkikunata kullkipi mana llukshirkakuna, tukuy llaktayukkuna achka llakipi yaykurkakuna.
Kay Mamallakta llankay wiñachik mitachikunapak kana kan, kashna uchilla kapuchikunata paykunalla, Antisuyumanta nirka. Tukuy kamay wasikunapi llankay mutsurikunapi wankurishpa llankaykunata chariranapak nirka. “Ñukanchik, Kamachiy killkakkuna kashkamanta, kamachik ñawpak yuyaykunata wiñachinapak kanchik maypika tukuy ayllu llaktayukkunapak mutsurikunata sinchiyachinapak chasyhina llankay wiñachikta makichurashpa katinapak”, Esparza rimarka.
Kay tantanakuypi, mamallakta wiñarikunapak wamrakuna pushayyachayukkuna kan nirka. Chaymanta, llankay wiñachikta apanapak mana yanapaykuna tiyankuna nishpa piñarirka, chay llakikunata paypak kamachik rikuchikunawan makanata muskun.
Shinallatak, kay ñawpak yuyaywan llankay wiñachik kamachik llankayta allichin nirka, mamallaktapi tukuy wamrakunata chayshina Antisuyu llaktayukkunata makichuranapak rimankuna.
Paypak manyamanta, kamachiy killkak, Nathalie Arias, kay llankaykunata maymutsuri kan Karupi Kikinllatak Kamachikkunaman tikrachina, shukmanta César Rohon, llakta pushakkunapi kikinyay tiyachun mañan shuk sinchiyuyarikunata paktachinapak.
Tukuri pachapi, kamachiy killkak Wilma Andrade, minkashka tantanakuymanta kipa pushak, llakta runakaunata yanapay chayachinapak mashkan nirka.
HC/pv/gu-k