Mamallakta Tantanakuyta pushak, Guadalupe Llori Abarca, kay 123 arinishpa apuchikunawan, 29 karway killa Kuyuri Paralímpico pukllay yuyarina punchata churarkakuna, hanka runakunata kuyurishpa pullakkunapak hatun llankaykuna chayshina sinchikuykunata paktachishkamanta riksinkakuna, shuk tantalla rikuchiy, kuyyuywan pukllay, tukuy achiklla ruraykunapi ushan.
Kay 2 niki sinchiyuyari Paralímpico Ecuatoriano mana ushaypak sakinkuna, kay Ecuador hatun pukllaykunapak sinchikuykunawan muskushkakunata paralímpicos kuyuypi mishay kay Tokio contienda mundial tukuy allpapachapi kunan hatun mishakkuna tukushkakuna, chayshina paralímpico pukllay kuyuri yuyayrina punchakuna paktashka tiyachun, chay Ecuador mamallaktapi Juegos Paralímpicos pukllaypi kallari shuk nikipi misharkakuna.
Kamachiy killkakkuna mañan kay mamallakta pushakta tukuy mishanakuypi rikushpa llankaykunata paktachishpa shamukkunata hanka runakunata pukllaypi yalli pacha yanapaykunata chayachichun mañankuna, chikan chikan asti pukllaykunapi rikushpa yanapachun, chayshina uchilla wallpakunata pukllaykunata tukuy pachakunapi tiyachun allichichun rimankuna, kashnalla wankurishpa kuyuri pukllakkunata paktalla makichurashpa chayshina wiñachishpa sinchiyachinapak.
Chaymanta kay Guillermo Lasso Mendoza, Mamallakta pushakpak, llankañankunata paktachichun mañan, chikan chikan nikikuna, hamutay, astikunapi hanka runakunata tukuy pukllay kuyurikunata wiñarichun, ruray katichiy, pushayyachay ñawpachinkakuna.
María José Plaza, sinchiyuyarita yuyayta chayachik, kay wata achka unancha mishanakuyta charishkanchik nirka, kashna olímpicos pukllaypi, Tokio paralímpicos pukllaykunapi. “Ñukanchik pukllakkuna nimapak mana muskushka wallkanakunata misharkanchik”, nirkakuna, ñukanchik Ecuador llaktayukkunapak sinchikuykunata paktachishkata maymutsuri kan yachanapak nishpa rimankuna.
Chay chimpapuraykunapi, Pamela Aguirre, Pedro Velasco Mamallaktapak yanapay maymutsuri kashkata rimankuna, tukuy kuyurikunapi pukllakkuna hatun lIankaymirari wasikunata charichun, shinapash kullki yanapaykunawan chikan chikan mutsurikunapi makichurashpa ista shinapash mamallakta mishanakuypak yuchay pachakunata ushanapak.
EG/pv/gu-k
