Hunta rimanakuy Mamallakta Tantanakuy, kay 98 apuchikunawan arinishpa paktachirkakuna, kay kimsa chunka punchakunapi, Transporte y Obras Públicas, Zirma Ushay Recursos Naturales No Renovables Kamaywasiyukkuna, Petroecuador Hatun pushak, Servicio Nacional de Gestión de Riesgos y Emergencias pushakkunata kayanapak arinirkakuna, tukuy llankaykunata paktachishpa riksichichun kay wakllichishka shinapash llakikunata kay Coca mayukuna antawa purichina ñankunata tukuchishkamanta, uchilla wallpa, aparik yanakurita, Sucumbíos, Napo llaktayukkunapak yallina ñankunamanta willankakuna.
Sinchiyuyarimanta, tawka watakuna washapi kay llakikuna shamushkata shukutin allichinapak llankakkuna anchimay llankayñankunata chayachinkakuna. Shinallatak, Transporte y Obras Publicas Kamaywasiyuk chikan chikan llakikunata allichinapak allichikunapak willankakuna mamallaktapi antawa purichina ñankuna tamya killakuna achkata makashpa shamunkuna.
Shuktutin kamay wasikunamanta llankakkuna ñawinchikunata paktachishka hawa, chay iñu Tawkasami Kawsay, Pachamamapi Tiyak Minkashka tantanakuyta paktalla rikushpa chashina riksichinkakakuna, Hunta rimanakuy Mamallakta Tantanakuyman shuk llankaywillay paktachishkakunata chayachinka.
Chaymanta Guillermo Lasso, Mamallakta pushakta nirka, kay San Luis - San Rafael, Napo, Sucumbíos Markakunata estado de excepción willachita paktachichun mañarka, kashna antawa purischina ñankunata allichishpa yanapachun kay yanakuri aparikta shinapash San Luis llaktayukkuna, Coca mayu manyakunapi tiyakkunata shuk manyaman tikrachishpa makichurachun riman.
Kay sinchiyuyarita yallishpa arinirkakuna yallishka 3 kapak killa shuk mushuk tukyachi llakikuna tiyarka tukuy antawa purichina ñankunapi Piedra Fina manya hawaman tukurirka, Gonzalo Díaz de Pineda kitilli, Napo-Sucumbíos saywa markakunapi, alli purina ñankunata harkashpa tukuy pachakunapi makllu ñan llakipi churankuna.
Chaymanta, kay Coca mayu tukyashka tutu manyata yallik maypika yanakurita OCP manyamanta chayshina Sistema de Oleoductos Pesados SOTE surkushpa apankuna, hatun llakipi churashkakuna maypika punkara hapishpa llukchikkunata harkashkakuna chay llakikunamanta Mamallakta kullkikunata achkata wakllirishkakuna, maypika Sucumbíos, Orellana mana rantimanta rimaykunata charinkuna kay Lago Agrio - Reventador - San Luis, Baeza kitikuna kashna tamyamanta tukyachishpa llakichishkakuna, mana hawalla yalli kishpiyriwan ushankunachu, ayllukuna murukunata rantinapak mutsurinkuna.
PV/gu-k
