Kamachiy killkak Ronal González, tantalla kay Runapak Kamak shinallatak Ecuador Psiquiatría tantanakuywan, Allikay Yuyaykak Kamachik ñawpak yuyayta chayachirka, kay llankaykunaka kanmi shuk hatun paktaykunata ñawparikuy, tukuy wakcha runakunata chaki katishpa kamanapak tiyan, maypika Covi-19 unkuykuyta hapishpa tiyakkuna, mana riksi unkuyta charik, yuyaykakta llaki charik, kariwarmikunata millay, uchilla kariwarmi wawakuna chayshina wamrakuna achka wakchapi kawsakkunata yanapanapak riman.
Kay pachakunapi kamachiy killkak Gonzáles yuyarirka, kashna 2014-2019 watakunapi Ecuador mamallakta kay 5.300 yupay wañuykuna mirarishpa llakichirkakuna, pandemia kipuykuna uchilla wawakunapi shinapash wamrakunapi wichiyarkakuna.
Atirirka kay tukuy mutsurikunapi rikushpa kamachik killkaykunapi allikay yuyaykak llakikunata uriyachinapak churashpa kamanapak, tukuy llaktakunata chayshina kawsaypuray rikushpa hampikunawan allichikuna tiyachun, wichkashka allichirina wasi shinapash kay runahayñikunata sumaychashpa paktachinapak rikun.
Chaymanta, kamachik Runapak Kamak wasiwan tantarishpa paktachishka kan, Ecuador Psiquiatras Tantanakuy chikan chikan ishkay niki wankurikunawan paktachishkakuna.
Chaykunamanta, Hampik Juan Ayala, Sociedad Ecuatoriana de Psiquiatría núcleo Pichincha pushak, Allikay Yuyaykak Kamachik charina maymutsurimi kan, chay tantanakuyllapitak Psiquiatría hampikkunawan wankurinakurka maypika unkuykunawan kawsakkunaman hampi murukunata chayachinapak chayshina satallichak, pacha maypi hampinamanta rimarkakuna
Shinallatak, César Córdova, Runapak Kamak, Mamallaktapi wañuy llakikuna achkata wiñarishkamanta allimi chimpapurana Allikay Yuyaykak Kamachik ñawpak yuyayta arinirnapak. Tukuy killkaykunata paktachinapak Sumak Yachana Wasi Cuenca, yachaykunamanta, Chawpi Yachana Wasi Psiquiatría, Autismo Tantanakuy, shuktak kamay wasikuna, kay kamachikta wiñachinapak makichurashkakuna nirka.
Tikuripi pachapi, kay yuyaykunata llukshishkami kipuykunapi ayllukunapak kawsaypi achakata llakichikuna wiñarishpa tiyakushkamanta, wañuy llakikuna tiyakpi, wawakunata makay, allikay yuyaykakwan tukuykuna llakikunata hapishpa shamukushkamanta rikukushkata rimankuna.
HC/pv/gu-k
