Paktalla rikuykunapi kay Hatun Shuwashpa Millay Yumay Chichuchimanta Alli shunku wawa urmachi kamaypak hayñi tiyachun Kamachik ñawpak yuyay tukuywan paktankuna, Justicia y Estructura del Estado Minkashka tantanakuy, yachayukkunapak rimaykunata uyarka, "objeción de conciencia" llakikunamanta rimaypak shinapash hamutanapak katinkuna.
Chaymanta, Víctor Álvarez, Pichincha Hampik Hatun Yachana Wasi pushakta chaskirkakuna, maypika nirka kay kamachik huchayaywan alli llankayta rurashka kana kan shinapash umachik dogmáticos yallikkunata manyaman churana kan, alli rikushpa kamachik ruray allichiy warmikunapak hayñikunata allichinapak katin.
Paypak yuyayman, kay objeción de conciencia shuk hayñi kan shukpalla utka hampi kamay ukumanta hampirikunapi ayninakuy rimaykunamanta anchurinapak ima llakikuna tiyakpi kay kamachikpi allichishpa, may allikay kanka, apunchikamak, alli yuyay, paktalla imamantachishkapi rikushpa paktachin, nimayhankunapak hayñi kawsaykunata ama llakichishka yallichun rimankuna.
Chayamanta chikan chikan kamay wasikunamanta shinapash shukpalla allikay mitachi charishkakuna objetores de conciencia mana tiyachun nirka, shuktak yachaykunata tukuchishkakunapak hayñikunata mana kunkari tiyanachu, tukuy warmikunapak kullkikunata kamashpa yanapashpa katina tiyanami nirka. Shinapash, kamachiy kamay ukupi llankakkunapak rimay mana shukman churashka tiyanachu nirkakuna.
Shukmanta, Felipe Asanza, ista runakunapak hayñikunata yachayuk, tukuykunapak llaki yuyaypukuy wakllirishka hayñikunata achiklla llankaykunawan sinchiyachishpa paktachina kanmi nirkakuna, maypika ima llankaykuna paypak ushashkakunapi katishpa, shuk hatun paktaykuna tukuymanta rikuy hayñi tiyankakuna, llakta shinapash shuktakkunamanta waktay tiyankakuna.
“Kay objeción yuyaypukuy wiñachinapak rantimanta makichurashpa kamachik alli pacha paktachishka tiyanka tukuykunapi rikushpa, ima mana alli rikuykuna tiyakpipash shukshinalla wankurishpa llankana sinchiyachishpa paktachina kan shuktak ayllukunapi rikushpa”, nirkakuna.
Shinapash, Hampina Kamay Wasi tukuy hampikkuna, kimirishpa llankak, shukpalla hampi wasi llankay, uchilla hampina wasi llankakkunapak shutikunata killkashpa hapichun nirka, mana llkichikuna tiyachun llankaykunapi ashtawanpash makichurashpa katinapak. Rimashpa tukuchirka, maypika kay deontológicos kamachikta rikunami kan, ashtawan Federación Médica Ecuatoriana ima mutsurikuna tiyakpi yanapaykuna paktalla tiyachun, chay tukuy yuyaykunata shukutin yuyarikunapi paktashpa katichun nirkakuna.
Ana Martínez, bioética de la UDLA yachachik, kay tukuypak tiksiyuyaykuna bioética la objeción de conciencia ista mamallaktakunamanta riman, mana kamay wasipak alli rikurinchu nirka, chaymanta, Mamakamachiy Rikukwasi kay wanay churayta chayachishkamanta nirka shuwashpa millay yumaywan chichuchishkata alli shunku urmachinapak, may llakikunapimi rikushka kanka nirkakuna, paktalla kay ista kamachikkunwan alli rikurin kay objeción yuyaypukuykunawan makichuraykunapi wankurinkuna.
Kamachiy killkak, Ricardo Vanegas, kay kamachik shuk hatun paktay kachun maypika Ecuador warmi wawakunapak chayshina warmikunapak allikay hayñikuna kamashka tiyachun nirkakuna.
KC/rsa/gu-k
