Consejo de Administración Legislativa (CAL) tantanakuy kamachikkunapak paktalla minkashka tantanakuypi, tukuri pusak killakunapi mañaymashkay llankaykunata paktachishkakunamanta taripaykunata rurarkakuna, shinapash kay 2021-2022 Ecuador Mamallaktaman makichuray tukuy pachakunapi kamachikkunapak llankayñankunata ushashkakunata riksichirkakuna. Kay tantanakuypi Mamallakta Tantanakuy pushak, Guadalupe LLori Abarca, tukuy minkashka tantanakuykunapak pushakkunata aripaktachikunapi ushashkamanta naparka chayshina Kamachik tantanakuykunapak kaytarak llankayñan iñukunata apanata shinapash Ecuador mamallak runakunapak alli llankaykuna tiyachun paktachinapaka rimankuna.
Kallaripi riman kay kamachiy killkak, Daniel Noboa, Kullki wiñariy Minkashka tantanakuy pushak, maypika sukta chunka ishkay tantanakuyta, chusku llaktakunapi rurashkata rimankuna. Kanchik ñawpak yuyaykuna rikuykunapi paktalla katikun shinapash ishkay ñami kamachiy kipuk churashka tiyan nirka. Chaymanta, shuktak llankaykunapi paktalla katikushkakuna kay Sumak Kuskakamay ñawpak yuyaykunapi chayshina Karuyariwillamkay rimaykunapi katikun nirka.
Kamachiy killkak Ramiro Narváez, Soberanía, Seguridad Integral Minkashka tantanakuy pushak, kanchis chunka tantanakuyta kamachipuy iñukunapi chayshina sinchiyuyarikunapi paktachishpa rurashkata riksichin. Nirka kay, kamachikkuna kay llankayñan makichuraypi tikan shinapash saywa wiñariy kamachik ñawpak yuyayta hamutankuna; shusku wankurin kay Mamallakta Kamay kamachik killkay; ishkay llika panka kamay kamachik; shuk Mamallaktapak Kamay kamachik; chayshina Shukpalla Kamay Kamachik mushukyachi llankaymanta riksichinkuna.
Paypak manyamanta, Pierina Correa, Tukuylla Uchilla Kariwarmi Wawakunata chashnallatak Wamrakunata Kamak Minkashka tantanakuy pushak, maypika kay Integral de Niños, Niñas y Adolescentes Kamachikta hamutakushkata riksichin, shinapash 651 tukuypi rakishpa nikikunata chusku kamukunapi rikushka nirka. 29 llankay tantanakuyta charishka; chunka chusku kamachiy minkashka tantanakuy ashtawanpash kimsa chunka ishkay hatun minkashkakunata paktachishkakunata riksichirkakuna.
Ferdinan Álvarez Transparencia, Participación Ciudadana y Control Social Minkashka tantanakuyta pushak, ashtawanpash 49 tantanakuyta rurashka maypika chimpapuraykuna, hatun minkashkakuna chayshina chikan chikan yuyaykachaypi llakta ayninakuyta kay 168 kamachiy killkakkuna shuk punchapi charishkakuna. Shinapash kay Imbabura; Guayas, Santo Domingo, Los Ríos, Tungurahua; chashnallatak, Manabí Marka llaktakunapi rurashkakuna nirka.
Shinapash paktalla kay Mamakamachiy Paktachiy llankay, Runahayñikuna, Sapsi Hayñikuna ashtawanpash Kawsaypura Minkashka tantanakuy pushak, Fernando Cabascango, sukta ñawpak yuyaykunata llankaypi apakushkata charin nirka. Ñawpak yuyay mushukyachinapak kay 047 Kamachikta kay Llakta, Kapaktukuk shinapash Warmikunapak Kullkita wiñachinapak, Kamachiy killakakkunapak Llankayñankunapak kanmi nirka. Chaymanta, kulla killapi hatunhucha kunkariy shinapash kishpiychikunata tantanakuypi yanapachishpa allichinapak ari nirka.
Yachay, Kawsay, Amawtay, Sumakllankay, Mushukyachi shinapash Kallariy Yachay Minkashka tantanakuy pushak, Manuel Medina, chusku kamachik ñawpak yuyaykunapi llankashkata riksichirkakuna. Universidad Intercultural de las Nacionalidades y Pueblos Indígenas, Amawtay Wasi Wiñachiy Kamachik kamachiy kipuk llikapi churashka tiyan nirka. Shuktak mushuk yuyaykuna kan kay Ishkay Shimi Yachay Kamachik mushukyachi; Sumak Hatun Yachana Wasi Kamachik mushukyachi; Sumak Hatun Yachana Wasi kay Mushukyachi chayshina Yuyakunata Tikrachiy Wiñachishpa mirachinapak mushukyachi; ashtawanpash, Kawsay Kamachik killkayta mushukyachinapak riksichirkakuna.
Allikay, Pukllay Hayñi Minkashka tantanakuy pushak, Marcos Molina, kay 55 tantanakuyta charishkanchik: chusku llaktakunapi; 37 kamachipuypi; 18 Ñawinchikunapi shinapash kimsa chuna chimpapuraykunata paktachishkata riksichin. Paktalla kay Ecuador makichurashpa llankay charin shuk paktalla llankay ñawpak yuyay tukuy mikuna murukunata wakllichishpa shitaykunata rurashpa tiyakkunata uriyachishpa wakcha runakunaman ishaky niki chimpapuraykunaman llankaywillaykunata yaktachichun riman. Kay llankaywillaywan shuk niki chimpapuraykunaman ñawpak yuyayta charin Covid-19 shinapash shuktak hatun llakikuna; unkuymanta hampinapak yachay llaktayukkunata llakichishkakunata mañaymashkaypak; Pukllay; Allikay mapakuy; Ecuador mamallaktapak tukuy hampi murukunata ranti ushaypak kamachik, shukkunamantapash llankayta paktachishkata riman.
Tukuriy pachapi, Fernando Villavicencio, Ñawinchiy Minkashka tantanakuyta pushak, sukta llaktay ñawinchikunata rurashka, chusku may allita paktachirka shinapash Kullkillankayta Rikukta huchachishpa paktalla rikuykunawan katikushkata riksichirka. Yapalla kay kimsa rikuchiy wanaykatikuna: Kullki Imarurashkata Rikuriyak, Mamallakta Kamachiy Yanapak shinapash Mamallakta Akllaykamayuk llankaykunata paktachishpa shamukushkata riksichin. Chayshina kay 58 urmayachi taripaykunata katikushka maypika kay Petrochina, Ina Papers, Buenos Aires, shuktak iñukunata paktachikushkata nirka.
“Maymutsuri kan mamallakta Tantanakuy kay “Ecuador Mamallaktapak Makichuray” llankayñanta kutichin, tukuykunapak hayñikunata kamanapak maskan, tukuy llakichikunata chinkayay, pachamamata kamay, tukuypak mitachita allishunku kamay, llankayta wiñachiy shinapash Mamallakta kullki llankay kutin sinchiyachishpa llankanapak”, Guadalupe LLori Abarca, Mamallakta Tantanakuy pushak riksichirka.
RSA/pv/gu-k
