Mamallakta Wallpa shinapash Paktakay Minkashka tantanakuy pushak, Alejandro Jaramillo, sukta hampik runakuna chayshina obstetricia yachayukkunapak rimaykunata chaskirkakuna kay shuway millay yumay chichuchishkamanta wawa alli shunku urmachimanta yachayukkunapak rimayta uyarkakuna, kamachik tantanakuykunapak paktalla apakushkamanta ñawpak yuyay hamutaykunapi katinkuna.
Kay rikuy pachakunapi, tukuy churashka rimaykunamanta achka mutsurikuna tiyashka kashna chichu warmi tiyakpi shuk pachakunata churashpa makichuranapak rimankuna, maypika chunka ishkay hunkay punchakuna kanka, unkuyta alli pacha hampirishka tiyachun, ashtawan shuktak alli shunku wawa urmachiy tiyachun paskashpa sakinapak rimankuna.
Pier Pigozzi, kay allikay shinapash munaykay tantanakuymanta, mana alli shunku wawa urmachi tiyachun mañashkata riman nirka. Chaymanta, imashina chunka shuk mamalllaktakunapi tiyashkapi rikushpa, chunka ishkay hunkay punchakama chichu tiyashkapi urmachiy ushan. Tukuykuna arinirka chay Colombia mamallaktamanta hampik María Paula Houton shinapash kay Ecuador mamallaktamanta Guillermo Ortiz Avendaño rimay yuyaykunawan arinirkakuna.
Hampik Octavio Miranda, Comité de Derechos Sexuales y Reproductivos tantanakuymanta nirka, kay munayyachay shinapash kashkata rikuchik llakichikuna chichu warmikunapi yallinkuna, warmikuna wawata urmachi tiyachunka ishaky chunka chusku hunkay punchakunakama pachakunata churayta chayachishpa ushanashina rikuchinkuna, uchilla, wamra chayshina hanka millay yumaykunapi tiyashkapi rikushpa allichinapak rimankuna.
Washington Aguagüiña, Centro de Salud Integral hampi wasimanta, wawa urmachikunapi hatun llaki unkuytami churashpa sakinkuna, maypika mamakamachik rikushpa sumaychana kawsaymanta pacha rikushpa nirka. Shamuk pachakunapak wiksa ukupi shuk llullu wawa wiñarimushpa shamuykunapi makichuranapak riman.
Paypak manyamanta, María Francisca Valdivieso, Chile Mamallakta kawsayta riksichirka, paypak kawsayka shuk warmi chunka chusku watakunata charik chunka ishkay hunkay punchakunata wawa urmachita ushan chayshina chunka kushku hunkay punchakunata yuyak warmikuna urmachinkuna nirka.
Kay minkashka tantanakuy chay iñukunata chimpapuranapak charinkuna, tukuy yachayukkunapak riksichishkakunamanta, maypika Alejandro Jaramillo mañarka kayashkakunata willaykunata killkashpa tikrachichun mañankuna, chikan chikan rimaykunata chaskishpa ishkay niki chimpapuraykunata kay millay shuway yumay chichuchishkamanta alli shunku urmachi yanapay kamachik paktachinapak ñawpak yuyaypak llankakuna.
EG/pv/gu-k
