Justicia y Estructura del Estado Minkashka tantanakuy paktalla Shuwa Millay yumaywan llakichishpa chichuchishkamanta, alli shunku urmachiy hayñita kamaypak kamachik ñawpak yuyayta rikuy shuk kalllari chimpapuraykunapi shuktak tapuykunata chayachishkamanta yachaykunawan katinkuna.
Mamakamachiy Rikukwasimanta wanay churayta nishka paktachishkamanta ñawpak yuyay wiñarin, kashna 149, 150 nikikuna Código Orgánico Integral Penal kamachikpi killkakatishpa constitucionalidad nishpa hamutashkakuna, chikan chikan warmikuna kay hatun llakichiy shuwa millay yumaywan chichuchishpa urmachikuna tiyashkamanta nishkakuna kay mana kamachikpi paktanchu nishpa chay huchu killkaymanta “shuk warmi yuyaykak tisikuwan llakirishpa kawsan” chashnallatak kay 150 niki 2 yupay Código Orgánico Integral Penal kamachikpi hamutarka.
Minkashka tantanakuy pushak, Alejandro Jaramillo, shuk llankayñankunata churashka kipa, kimsa hatun llaki yuyaykunata churashka, ima pachakunapi alli shunku wawa urmachi tiyachun, hampik runakunapak yuyaykunata paktachishka rikurichun chaykunamanta hamutay tiyachun nirka.
Chaymanta, satallichak wankuri tantanakuy, minkashkarishpa llankay chayshina minkashkakuna paykunapak yuyaykunata churashkakuna chayshina shuktak yachayukkunapak yuyay ashtawanpash chusku chunka llakta yachayukkunapak rikuchikunata rikushkata willankuna.
Tantanakuypi tukuy yachayukkunata paykunapak chimpapuraykunapi chay rikuchikunamanta ima yuyay tiyashkata willachun mañan, maypika Maternidad Isidro Ayora hampik wasi pushak, chichu warmi wamrakunakuna imashina hampishpa katishkamanta riksichichun llankaywillayta mañan.
Imashina kay llankayñan paktachikunapi, Paktakay Minkashka kaya puncha tantanakunka, shuk pachallapi alli shunku wawa urmachinapak nishpa shimita rikunapak, chaypak uyankakuna kay kamachik, Kamachik Tantanakuy pushak, María del Carmen Maldonado, shuktak runakunapak rimaykunata uyanapak nirka.
Kay chillay puncha, shuktak sinchi llaki iñukunamanta rimankakuna. Kay punchapi chimapurankakuna kay mañaykunamanta chay chishipi hampik runakunapak naknina yuyayta rikunkakuna.
Kamachiy killkak, Dalton Bacigalupo, minkashka tantanakuypi wankurikkuna paykunapak rikuchikunata killkayta rurashkapi katishpa hunta rimanakuypi chimpapuraykunapak llankaywillayta paktalla hamutashpa katinapak mañarkakuna.
José Chimbo, kay Hunta rimanakuypi shuk kallari chimpapuraymanta riksichin shuk hatun maymutsuri kan kay Mamakamachiy Rikukwasi wanachiy rimayta chayachishkata willan, maypika chunka ishkay hunkay punchakunata millay yumaymanta chichuchishkamanta alli shunku wawa urmachiy tiyachun riksichirkakuna.
Shuktak mamallaktakunapi chay hatun rikuchikunawan paktalla warmikunata hatun llakichikunawan kawsakkunata allichishpa shamushkakunapi rikushpa chimpapuraykunapi katichun mañan, tukuy llaktayukkunapi rikushpa alli kamachikta wiñachinapak mañan. Shinallatak México, Uruguay, Argentina mamallaktakunapi ñami chunka ishkay shinallatak chunka chusku hunkay punchakunata kashna llaki shuway yumaywan chichuchishkamanta alli shunku wawa rumachikuna tiyachun rimankuna.
PV/gu-k
