Pachamama Kamachik, Llakta Tantanakuy, Kikinyay chayshina Chaymanyachishka Kamachik Mushukyachishpa kamachikkunata 21 kapak killa Kamachiy Kipuk pankapi churarkakuna.
Kay tantanakuy 21 kapak killa 2021 watapi, kay Guillermo Lasso Mendoza, Mamalllakta pushak, chayachishkata, Hunta rimanakuy Mamallakta Tantanakuy kamachikmanta objeción parcial killkaymanta riksirika chayshina rimarirka, kimsa chunka shuk allichichun mañaykuna tiyashkapi paktachishkakuna.
Maypika kay Pachamama Kamachik mushukyachishkakuna, kamachik paktachin chayshina chikan chikan wiwakunata rikushpa kamaypak; kashka kay hayñikunapi achiklla pachapi paykunapak kawsaykuna paktalla tiyachun; kamachikta wiñachinkuna, llaktayukkunaman ayninakuymanta paktalla kullkiwan yanapay tukuy ima mukllayachishkakuna alli rikushpa llankanapak, tukuy imakuna akllashka tiyashkakunamanta allkichishpa pakyachinapak.
Chaymanta, mamallakta allpamamapi tawka wiwakuna kawsakkunaman yaykushpa llakichichun harkankuna. Shinallatak, llankayñan, ruray katichikunata shuyushpa wiñachinkuna kay rikuy, chaski, tukuy llakta llakikunapi wiwakunata kamaypak, shinapash allku, misi wiwakunata katuyka mana paktanchu nirkakuna. Tukuymanta, llakta ayninakuy kay rikuchikunawan chayshina kamay uchilla wallpamanta kiti ukupi yura tiyakkunata kamaypak churankuna; yuyaykachay mushukyachi, resiliencia, ñawpak yuyay rurashkata llakichishka allpapachakak pampakunata allichinapak katin.
Chaykunamanta kay Código Orgánico de Organización Territorial, Autonomía y Descentralización kamachik (Cootad) mushukyachi, Karupi Kikinllatak Kamachik Llakta Kamaywasikunawan llankayñan chayshina shuktak llaktakunapi tiyashkapi rikushpa llankaykunata paktalla kay mayukuna, kayukucha, mamakucha, wayku, hukuylla mukllyachishkakunata rantimanta rikushpa allichinapak katinkuna.
Maymutsuri llankaykunata kay mushuk Mamallakta Tantanakuy kay kanchis killakuna paktachishpa shamushkakuna, Ecuador mamallaktapak kawsaypi yuyashpa kamachikkunata llankashkakuna.
KC/gu-k
