Kay wanay shinapash chukikamay mana alli llankayta paktachishkakuna, runahayllikuna chashnallatak Pachamamata kamanapak, shina shuktak hatun paktaykuna ñawpak yuyay Chukikamay Kamachik mushukyachinapak, shuk niki chimpapuray Hunta rimanakuy Mamallakta Tantanakuypi rikunka, maypika paktalla kay 746 rimanakuypak shamuk wanra puncha 09h00 saylla pachapi rikunapak kayankuna.
Kay Chukikamay Kamachik mushukyachi achiklla willayta purichin, shuk achiklla chukikamay apuchi llankaykunata churashpa pushanapak; mamapachapak hayñikunata hatun kamaypak; kamachik tapuy chayshina kamachik wiñachiy ñawparashpa tapuyta alli paktachinapak, kacharishka shinapash willashkalla; chukikamay llakichishpa llankayta rikushpa wanaypak katin; llankakkunaman yachakuyta paktachin; llakta ñawpak yuyay chukikamayta llankaykunata utkalla paktachishpa katichun chayshina llankakwasikuna alli rikuykunawan katichun mañan.
Kay tantariypa niki katipi 2006 wata mamakuchapi llankay hatun yachaykuna paktachishka tiyan, imashina paktachinapash, tiksi kallari hayñikuna, llankay hayñikunata chashnallatak mamakuchapi llankakkunata hapinkuna; ikay llankayta sinchiyachinapak maskan, achiklla llankayta paktachi tukuykunapak kawsaymantapash; allikay shinapash llaktay runakuna mamakuchapi llankakkunata kamashpa sumaychanapak; ashtawanpash, Mamallaktapak aripaktachikunata kay ista haylli tiksikunapi rurashpa katin.
Chishipi, 16h30 saylla pachamanta, 740 yupay tantanakuy kallarinkakuna, maypika kay ishkay arinishka ñawpak yuyaykunata chimpapuraykunapi churashpa katinkakuna. Kallaripi kay chunka pichka sasi killa watanti watanti Ecuador Mamallaktapi Hunancha makay punchata yuyarirka, ishkay niki kay Allikay chayshina Pukllay Hayñikunapak Minkashka tantanakuyman chayachun, kay Consejo Directivo del Instituto Ecuatoriano de Seguridad Social kamay wasi pushak chashnallatak minkashkakuna, shinapash IESS Hatun Pushak tapuykunata kutichichun chayankakuna.
PV/gu-k
