Ley de Mineria kamachiy mushukyachina paktayka ayllukunapak, pachamamapak kawsayta shinallatak yaku wiñaytami rikunami kan, pakalla chukita llukshichikta wanachinpash, Zaruma llaktapi llakikuna kutinpash ama rikurichun.
Mamallakta Tantanakuypi kay awkarik punchami shuk niki rimanakuypi kamachi rurana killkata riksirkakuna, kay kamachiywanka chuki llukshichina llakta kuchullapi kawsakkunata yachachinapak shinallatak llakta ayllukunata kallaripika llankayman kayachinapakmi yanapan; llankak wasikunata llankay paktakuk pachakunapash yakuta rikurachunmi mañan shinallatak kamachiyta mana paktashpa llankakukpipash llankanapak arinishka killkata harkachinapakpash rikuchin.
Kay rimanakuyka Biodiversidad minkarishkapi allichishka killkawanmi yanaparirka, kay killkaka pichka killkakunatami tantachirka. Kamachi rurana killkawanka chuki llankay achiklla paktachunmi yanapan; chuki mintalashkamanta sakirishka kullkita alli paktanata rikuran shinallatak pachamamatapash ashtawan hayñikunawan ukllashpa sinchiyachin.
Mamallakta Tantanakuypi kamachi killkakkunaka Zaruma llaktapi shuktak llaktakunapipash pakalla chuki llukshichinamanta llakikuna rikurishkatami rimarka shinallatak Llaktapash alli llaktay kamaykunawan chaparana mutsurishkatami riksichirkakuna.
Ashtawanpash, allpa ukupi tiyak yakuta alli charina mutsushkata rimarkakuna, llaktapakpash chuki mintalashka kullkipash pakta chayachun, kay kullkiwan kutinpash llankaykunata ashtawan mirachishpa katinapakmi mañan; Zaruma llaktapi llakikunashina tiyakpi yanapakapak kullkita wakichinata wiñachinata mañan. Alli pakta llankaywan chuki llukshichinaka llankaytami mirachin shinallatak chuki llukshichishka kipapish pachamamata allichinapakpashmi rikunka, ninmi.
130 ari, 4 mana apushitaywanmi, Mamallakta Tantanakuypi Ayllu llaktakuna, llaktakuna, runa ayllukuna, yunka ayllukuna, afroecuatoriano ayllukunata chuki llukshichina paktanapakka Kamachirurana Ñawpaytaripayta paktanapak arinirkakuna. Paktay mashkayka Sapsi Hayñikunata ama wakllichinapakmi yanapanka. Chunka niki yuyaykunami Biodiversidad Minkarishka llankanapak churashka sakirin.
Mamallakta Tantanakuyta pushak, Guadalupe Llori Abarca, kay Ley de Minería kamachiy rurana killkamanta shuk niki rimanakuyta wichkarka, kay llankayka Mamallakta Tantanakuy llankanapak churashka chusku niki yuyay ukupimi tiyakun, llankaywan pakta churashkata wiñachinapak charishpa katinapakpash rikuran, tukuykuna kacharishpa rimanakuywan, tiyashka alli llankaywan paktanapak, allpata mana wakllichishpa llankanapak, yakuta ama ashayachinkapak, ushayta sinchiyachinapak, pachamamapi llakita ama sakinkapakpash rikuran.
Yuyarinami kan kay 1 puncha kapak killa 2021 watapimi kamachi rurana killkamanta shuk niki rimanakuyka kallarirka, kaypimi 19 kamachi killkakuna rimarirka. Kunanmi kay rimanakuy kutinpash katirka 14 kamachi killkakkunami, killkata riksichik kamachi killkakwanpash yupashpa, kamachi mushukyachinapak killkamanta paykunapak yuyashkata, mañashkata shinallatak rikuchishkatapash chayachirkakuna.
JLVN/pv/cg-kch
