Soberanía Alimentaria Minkarishka, kay awaki 10 puncha kulla killa, apankurata, chalwakunata hapishpa llankak tantanakuy pushakkuna mañashkata uyarka, paykunaka Ley Orgánica para el Desarrollo de la Acuicultura y Pesca kamachi mushukyachinapak yuyaykunata chayachirka.
Neiva Carrazco shinallatak Lucio Cacao runakuna, Coordinadora Nacional de Defensa del Ecosistema Marino Costero tantanakuypak shutipi, ashtawankarin Chone llaktamanta Maglar sachata rikurak pushakkunaka, kamachiy mushukyachina mana mutsurinchu nirkakunami. Shinapash, mushukyachinapak rimanakuypika, kamachiypika manglar sacha kawsayta sumaychanami kan shinallatak Chone llakta ayllukuna apankurata shuktak yaku wiwakunata hapishpa llankakta yanapanapakpash churana mutsurin, nirkakuna.
Shinallatak, ashalla chalwakunata hapishpa llankakkunapash mushuk antakunawan llankay kallarina yuyaywanka mana paktarinchikchu nirka, ñukanchikka wiñaymanta yayakuna mamakuna yachashkawanmi llankakunchik, ashtawankarin pachamamatapash mana wakllichinchu nirkakunami.
Chaykama, Gabriela Cruz, chalwakunata makiwan hapishpa llankak runaka, kunanpi paktarikuk kamachiykunaka llaktayukkunawan tawka kutin rimanakushpa rurashkamim kan, paykunaka, chalwata hapikkunami kan, kayshina kamachiy mushukyachiyka tawka tantanakuy llankakkunatami wakllichinka, ashtawankarin mamakuchapi pusak millas tupukunata, kaypimi makiwan llankakkunaka paktarinkuna shinallatak wampuk antakunatapash chikanyachishpa churankakuna.
Paymantaka, Francisco Barreto shinallatak Wellington Ramírez runakuna, Isla Puná yunkapi chalwata makiwan hapikkunapak shutipi, mushukyachina yuyaykunamanta shustarishka kanchik nirka. Ashtawanpash, mushukyachiyman paktashpaka, chalwata makiwan hapishpa llankakkunatami sinchiyachinka.
Lucía Placencia, Minkarishkata kipapushak, Mamallakta Tantanakuyka llaktayuk mutsushkata sumaychanapakmi llankakun, kayshina paykuna mutushkapi chayankapak.
Minkarishkapak llankay
Shinallatak, Minkarishka ukupik kay killapi llankanapak churashkatapash riksirkakuna. Kamachi killkakkunaka awaki punchakuna (ishkay kutin) rimanakunka; chillay puncha (Minkariskakuna ñawirinaman kayachishkata chaskinka); shinallatak, chaska punchaka mushuk kamachiy rurana killkakunata riksinkakuna..
EG/pv/cg-kch
