Tukuy chaypikakkunami, Mamallakta Tantanakuypi, kay Seguridad Social kamachi mushukyachinata arinirkakuna, shinami IESS tantanakuypak kullkillankay pushakushkata shinallatak kay tantanakuy tukuy charishkatapash achikllata rikunkakuna. Kamachiyka, IESS tantanakuy shinallatak pay charishka llankaywasikunapak charishkatami llankaykallari watapi kimsa killa ukupi tukuy llankaykullki paktanata shinallatak maymanta kullki yaykunatapash rikuchinka, willankapash; ashtawanpash, llaktayukkumanmi tukuy yupaykaymayta, kamukunata, willachishkata, llankay paktashkatapash llikapankapi, kamukunapipash ayllukuna riksichun chayachinka, tukuy kay Seguro Social tantanakuyman kimirishka ayllukunami riksiy ushanka. “Kay IESS kamachiy mushukyachinata arinishkawanka kullkillankay paktakushkata llaktayukman riksichina, shinami seguridad social llankay achiklla paktarikuyta sumaychashun. Ñukanchik llaktayuk pakta kawsayta charichun yuyaywanmi kamachiykunata rurakunchik”, kashnami Mamallakta Tantanakuyta pushak, Guadalupe Llori Abarca, nirka.
Kay mipymes llankayta yanapak kamachi rurana killkata Mamallakta Tantanakuy shuk niki rimanakuypi riksirkakuna
Mamallakta Tantakuypi tukuy kamachi killkakkunami kay Ley Orgánica de pagos en plazos justos, mipymes kallaripika shuti kamachi rurana killkata shuk niki rimanakuypi riksirkakuna, kay kamachiyka ashalla, uchilla, maltalla llankaywasikunatami ukllanapak mashkakun, mintalashkamanta ima pachakunapi kullki chayachinata, mana utkakpika wanachina taripay kallarinatapash rikunka. Chikan chikan wankurimanta kamachi killkakunami kay kamachiy rurana killka mutsurinmi nirkakuna, Mypimes llankaywasikuna wiñarichun yanapanapakmi kan, nirkami.
“Mamallakta Tantanakuyka llaktapak kullkillankay kutinpash wiñarichunmi ashata yanapakun, uchilla, maltalla mintalakkunata ukllashpa; mana wakllichishpaka, ñukanchik llaktaka mintalanapak ashtawan munarishkami kanka, hatun llankay wasikunawan rimanakushpa shinallatak paykunapak kikin kullkita paktanka” kashnami Mamallakta Tantanakuyta pushak, Guadalupe Llori Abarca, nirka
Mamallakta Tantanakuy kay antárticos mamakuchapi kawsayta charishpa katinapak yuyaypaktarina killkata arinirka
119 ari apushitaywanmi, Mamallakta Tantanakuyka kay Convención para la Conservación de los Recursos Vivos Marinos Antárticos yuyarinakushka killkata kutinpash arinirka, kawsayta ama chinkachinapak, pachamamawan paktakanapak shinallatak charishkatapash alli hapinapakmi yanapanka. Yuyarinakushka suyu allpaka 35,710,006 kilómetros cuadrados tuputami charin, allpapachapak mamakuchamanta 10% patsak tupumi kan. Ashtawanka, Kullasuyu mamakuchapi chalwakuna hapinatapash rikuranka; rimanakuyka Relaciones Internacionales y Movilidad Humana Minkarishkapi allichishka llankaywillaywanmi paktarirka.
LLaktapak llankaywasi pushakkuna Mamallakta Tantanakuypi Ñawirirka
Mamallakta Tantanakuypi, kay Ley Orgánica de la Función Legislativa kamachiypak, 47 niki killkata paktachishpami, Función de Transparencia y Control Social tantakuymanta; Contraloría General del Estado tantanakuymanta; Consejo Nacional Electoral tantanakuymanta; Tribunal Contencioso Electoral tantanakuymanta; Fiscalía General del Estado tantanakuymanta; Consejo de la Judicatura tantanakuymanta; Defensoría Pública y Procuraduría General del Estado tantanakuymantapash pushakkuna kay 2021 watapi paktashka llankaywillayta riksichinaman chayamurkakuna. Shinallatak Mamallakta Tantanakuyka riksichishka llankaywillay killkakunataka Minkarishkakunaman chayachirka, paykunami 30 punchakuna ukupi pakta rikushpa shinallatak shuk llankaywillay allichinkakuna.
Yachakkuna, llaktayukta pushakkuna, yachachikkunapashmi wanachishka kunarinamanta, kishpichinamantapash rimankuna
Kay Garantías Constitucionales Minkarishka kay hunkaypika yachakkuna, yachachikkuna, mamakamachiyta riksikkuna, llaktayuk pushakkunapashmi wanachishkata kunkarina, kishpichinamanta yuyashkatapash riksichirkakuna. Kay minkarishkamanka llaktamanta, shukllamantapash tantanakuyta pushakkuna, llaktayukkunapashmi Runapak Hayñipi, Pachamamapak Hayñipipash llankakkuna chayamurka. Kay Ley Orgánica de la Función Legislativa kamachiypak 96 niki killkawanka, Minkarishkami 30 punchakuna ukupi mañashka llankaywillayta riksishpa ima ruranata rikuchishpa riksichinkakuna, kaypimi wanachinata kunkarina, kishpichinatapash rikuchinka, shinami, Mamallakta Tantanakuyta pushakman Mamallakta Tantanakuypi kamachi killkakkuna riksichun chayachinka. Mañaykunaka ayllu llakta, Pachamamata, llaktawiñak kapayta, shinallatak 2019 wata wayru killapi atirinakuymantapash mañashkata riksinkakuna.
Minkarishkakuna llankaywillayta Mamallakta Tantanakuy riksichunmi allichishpa sakin
Kay Soberanía y Seguridad Integral Minkarishkapimi Ley Orgánica de Desarrollo Integral Fronterizo kamachi rurana killkata shuk niki rimanakuypak llankaywillayta arinirkakuna, kamachiyka saywa llaktakunapi kullkillankayta ukllanapak shinallatak llankaywasikunata sinchiyachinapakmi mashkakun. Kay Participación Ciudadana Minkarishkapika tukuy chaypikak kamachi killkakkuna arinishkawanmi Ley de Transparencia y Acceso a la Información Pública kamachi rurana killkapak llankaywillayta shuk niki rimanakuypi riksichun arinirka, shinami Mamakamachi shinallatak Istallakta hayllukunatapash paktachinapak sumaychanka, rikurankapash. Kay Régimen Económico Minkarishkapika llakta pushak kay Ley para Defender los Derechos de los Clientes del Sistema Financiero Nacional y Evitar Cobros Indebidos y Servicios No Solicitados kamachi rurana killkata allichinaman kachashka llankaywillayta arinirkakuna, shinami llikapankapi antanikichik yanapashkata rikuranka sumaychankapash.
Llankakpak hayñikunata, runapa kawsayta llakichiyta, llaktayukpak zirmatapashmi Minkarishkakuna llankanapak churarka
Kay Derecho al Trabajo Minkarishkapi Ley de Código de Trabajo kamachi rurana killkata shinallatak llankaymanta llukshichishka ama paktarichun rikun kamachiy mushukyachinata shinallatak llankaymanta yanka llukshichikpi riksirinatapashmi rikunka. Shinallatak Mamallakta Tantanakuymanta llikapankapi llankayta riksirinapak chayachishka yuyayta riksishpa katirkakuna. Kay Desarrollo Económico Minkarishkapika llaktapi pushakkunata shinallatak llankaywasi pushakkunatapashmi chaskirka, paykunawanmi kay Ley del Servicio Público de Energía Eléctrica kamachi mushukyachina killkata rimanakurkakuna. Shinallatak, kay Ley de Compañías mushukyachinatapash notarios kamakkuna shinallatak kamay yachakkunawanmi rimanakurkakuna. Kay Relaciones Internacionales Minkarishkamanka Secretaría de Derechos Humanos, Cancillería shinallatak Yachachikkunawanmi kay Ley Contra la Trata de Personas y Tráfico Ilícito de Migrantes kamachi rurana killkamanta rimanakurkakuna. Kay Gobiernos Autónomos Minkarishkapika llakta allpa tantarinapak kamachiy runa killkata shinallatak anta apyupi purikkunata ukllanapak kamachiytami riksishpa kallarirkakuna. Kay Transparencia, Gobiernos Autónomos Minkarishkapika, tukuykuna yuyarishpami lobby shinallatak conflictos de intereses rikuk kamachiy rurana killkata shukllapi churanapak yuyarirkakuna. Kay Soberanía y Seguridad Social Minkarishkapika wiwakunata ushaywan sinchita yachachinata harkak kamachiy rurana killkatami riksishpa katinkunkuna shinallatak Código Orgánico de Entidades de Seguridad Ciudadana y Orden Público kamachiy mushukyachinatapash riksishpa katikunkuna.
Pakalla chuki llukshichinata, Superintendencia de Bancos pushakta llaktay ñawinchiyman kayachinata, hayñi wakllichiytapashmi Llaktay chaparanapi riksirkakuna
Kay Biodiversidad Minkarishkapi Llaktapak Llankaywasi pushakkunaka ministros de Gobierno, Alexandra Vela; Energía y Recursos Naturales no Renovables, Juan Carlos Bermeo shinallatak, Ambiente llankaywasi pushak, Gustavo Manrique runakunata, shinallatakZaruma kiti pushak Jhansy López runatapashmi Zaruma llaktapi pakalla chukita llukshichikata chapanapi llankaykuna paktakushka rimashkata uyarka. Kay Derechos de los Trabajadores Minkarishkapi Superintendenta de Bancos pushakta, Salud llankaywasi pushakta, shinallatak Gobierno llankaywasi pushaktapash kayachinapak yuyarirkakuna, paykunaka hayñikuna wakllichishkamanta taripashkatami kutichinka. Shukllapak kullkiwasi wakllichishka pusak runakunapak willashkata chaskishpa kallarirka, Kay Fiscalización minkarishkamanta Darwin Pereira kamachi killkakmi kay Superintendencia de Bancos tantanakuy pushakta, mamakamachiyta, kamachiytapash mana paktachishishpa llankashkata nishpa llaktay ñawinchiyman kayachishkamanta taripaykunawan shuk niki tantaripi chaskishpa kallarirka. Kay Derechos a la Salud y Deporte Minkarishkapi kay awaki 24 puncha kullka killapakmi Instituto Ecuatoriano de Seguridad Social tantanakuyta pushak shinallatak Ministra de Salud Pública pushakpash kayachishka kan, kaypimi Fondo de Salud del IESS tantanakuypak kullki paktarishkata shinallatak MSP llankaywasi kanchamanta yanapak llankakkunaman mashna kullki kutichina charishkata rimankakuna.
PV/cg-k
