Mamallakta Tantanakuy, kunan 09h30 pacha tutamanta, kay Ley Orgánica que Garantiza la Interrupción Voluntaria del Embarazo para Niñas, Adolescentes y Mujeres en caso de Violación kamachiy rurana killkata ishkay niki rimanakuypi riksinkakuna, Defensoría del Pueblo tantanakuymi killkata Corte Constitucional tantanakuy yuyarinakushka killkata paktarishpa, kaypimi Código Orgánico Integral Penal kamachiypak 149, 150 niki killka mamakamachiywan paktarishkata rikunka, kaypika warmi yumaypi llakichishka chikushkata sullunata wanachina rikuchishkata mushukyachinkapak.
"Kay Mamallakta Tantanakuyka kamachiykunata paktachikmi shinallatak tukuy kamachi rurana killkata pakta pakta riksik. Ñukapak llankayka Mamallakta Tantanakuypi tukuy llaktayukkuna chayanapakmi yanapan, kaymanka tukuy rikuykuna shinallatak yuyaykunapash chayarin, shinallatak, Mamallakta Tantanakuy llankanapak churashka ñanta tukuykuna makipurashpa purikuymi" kashnami Mamallakta Tantanakuyta pushak, Guadalupe Llori Abarca, nirka.
Rimanakuytaka Justicia y Estructura del Estado Minkarishkapi llankaywillayta allichishka kilkawanmi kallarirka, llaktayukkuna achka achka chaypi yuyay chayachishkawanmi allichirka, shukllapak, llaktapak, shinallatak llaktayuk tantanakuykuna, runapak kawsay hañita yachak, ayllipak hayñi, hampina yachak wachachina yachak, wasi aylluta hapi, manta mikashka runakunapak yuyaykunatami chaskirka, psicólogos, mamakamachiyta runapak hayñita yachak kamak runakuna shinallatak, chuchikayta harkanapak pro vida kawsayta atirikkunawan rimarishkanchik.
Mamallakta Tantanakuyta pushak, Guadalupe Llori kay llaktamanta istallaktamantapash yachakkuna shinallatak llaktayukkuna yuyashkata riksinapak llaktayuk ishkay niki rimanakuypi chayachin.
PV/cg-k
