Kayman sukta chayamuk rimarikkunapak ari apushitaywanmi, Consejo de Administración Legislativa (CAL) tantanakuy, Guadalupe Llori Abarca pushakuk, chayashpa llankayta kutinpash kay chillay 2 puncha, panchi killa, 50% patsak chayashkakkunawan Kamachi Awlli wasipi, Wiñaypak, kunallapak Minkarishkakuna, Tukuykuna tantanakuna uku shinallatka Kamachi Awlliwi wasi ukupipash kutinpash llankayta chayashpa kallarinapak yuyarirkakuna.
Kayshina paktanaka, bioseguridad kamayta allita paktachishpa, chikanyarishpa, shimikatata churarayashpa, makita mayllashpa shinallatak kuskakunata chuyayachishpa llankay paktanka, kay Comité de Operaciones de Emergencia Nacional (COE) tantanakuy kay Distrito Metropolitano de Quito kitipi chapanapak shuyuta shuktakyachinkama.
CAL wankuri Mamallakta Tantanakuypak Unidad de Salud Ocupacional willashkapi kimirishpa shuk yuyarinakuyta allichirka, kay kullka killa 2022 watapak puchukay hunkaypi unkushkakunata yupay ashta uriyashka nishpa kay Llaktapak COE tantanakuy allichishka yupaykunata rikushpami yuyaypaktarirkakuna.
Ashtawanpash, Yuyarinakushka killkapika llaktayuk chayamuna shinallata tukuykuna rimarinapash, Mamallakta Tantanakuykunapi, wiñapak, ashallapak Minkarishka rimanakuypipash llikapankapimi tantarinkakuna, kayshina unkuyta ashayachinapak yuyaywan.
Chayashpa llankay kallarinapakka kamachi killkakkuna, kamachi awllikunapash kay antígeno nakashpaka PCR unkuyta mana charishkatami rikuchina kan.
Mamallakta Tantanakuypi llankakta pushakkuna, llankaywasi ukupi ñawpakkunapashmi kamachi awllikuna llankayman tikranapak 50% patsaklla paktachun shutikunata allichinkakuna. Wakllirinalla ayllukuna, ñawpamanta unkuyta charikkuna nakashpaka mapayanalla unkuykunata charikkunaka Llikapankapimi llankashpa katinka.
Chashnallatak, Covid unkuyt charik runakunapak kuchullapi chayashka runakuna nakashpaka kay unkuywan kashkata yuyakkunapash willanami kan, shinami epidemiológico shutichiyta mushukyachinka.
EG/pv/cg-k
