Chayamuk tukuy kamachi killkakunami, 136 ari apushitaywan, Mamallakta Tantanakuyka, kay 26 puncha kulla killata watan watan Día de la Dignidad Nacional nishpa shutichin, kay 1995 wata Cenepa llaktapi atirinakushpa mishashkamanta yuyarinkapak, mañaytaka César Rohon kamachi killkakmi chayachirka.
Mamallakta Tantanakuyta pushak, Guadalupe Llori Abarca warmika ñukanchikpak wiñaykawsaytami hatunyachina kanchik shinallatak wawakuna, wamrakunapash yachaypi paktarina kan. "Shinami kay atirinakushka pachakunata yuyarishun, kay atirinakuymi ñukanchik llaktata wiñarinapi, sinchiyanapipash yuyayta sinchiyachishka", nirkami.
César Rohon kamachi killkak, yuyarinakunapak killkata chayachik, kay kuchulla watakuna llaktapak wiñaykawsaypi rikurishkata yuyarina anchami mutsurin. Shinapash 54 watakunami 1941 watamanta yallina kashka, Ecuador llakta ayllukunapak nanarishpa yuyarina, kay Cenepa llaktapi makanakuyman chayanapak, kaypika, Ecuador llaktaka Fuerzar Armadas awkakunawan sumakchiman, kushisamayman chayarkanchik.
Shinallatak, Llakta pushaktami kay "Día de la Dignidad Nacional" punchata llaktapak uncha yuyarina katikillapi churachun shinallatak Ecuador llaktapak wipalatapash llaktapak, shukllapak yachana wasikunapi churachun kayachin.
Tukuy pata yachana wasikunapipash kay Cenepea llaktapi 1995 wata atirinakuy ancha mutsurishkata hatunyachina shinallatak kay yuyarinakushka Brasilia llaktapi 26 puncha wayru killa 1998 wata yuyarinakushka killkawan imashina yanapashkata rikuna kan.
RSA/pv/cg-k
