123 ari apushitaywanmi Mamallakta Tantanakuy kay Ley Orgánica para Defender los Derechos de los Clientes del Sistema Financiero Nacional y Evitar Cobros Indebidos y Servicios No Solicitados kamachiypak 20 killka nikikunata kutinpash arinirka; shinallatak, 134 apushitaywanmi llakta pushak allichinapak chayachishka 12 killka nikita hapirka.
"Mushuk Mamallakta Tantanakuypak llankaywan, Ecuador llakta ayllukunaka kullkiwasikunapi yanaparik ayllukuna kullkita hapikukmanta ukllanka shinallatak panta llankaykunamantapashmi rikunka", kashnami Mamallakta Tantanakuyta pushak, Guadalupe Llori Abarca, nirka.
Killkata riksichik Pabel Muñoz kamachi killkakka kay kamachiwanka kullkiwasipi yanapari ayllukunapak hayñimi mirarin shinallatak kay kullkiwasikuna llakichiymanta harkarin nakashpaka mana mañashkata yanapaymanta kullki mañaytapash harkan.
Kay kamachiyka kullkiwasikuna llikapankapi, shinallata zirmallikapipash yanapay chayachinata pakta rikuchunmi mañan shinallatak ayllukuna alli yanapayta chaskichunpashmi rikuranka. Kay kamachiyka Registro Oficial kipukamayukman shamuk pachakuna chayachinka.
Kay kamachiyka shuktakyuyaykunapipash, kullkiwasikunaka yanaparik ayllukunamanmi claves shinallatak contraseñas iñik pankakunata paktanamanta willana kan. Ashtawanpash, Mamallakta Tantanakuymanmi wata kallarinapak kimsa killa ukupi llankaywillayta chayachinka, yallik wata kullki llankay paktashkamanta riksichishpa, kaypika llaktapi kullkillankay paktakushkata, shinallatak yanaparik ayllukunapak hayñita ukllashpa paktachikushkatami rikunka.
Mana kimsayashpa llankaykullki mana kakpika, kullkiwasikunaka imashina kullkita kutichinata mañanapi nakashkapa wanachinapipash rikunata charin; yanaparik ayllukunami kullki yanaparinata, mana kullki yanaparinatapash akllanata ushanka, mashna chanina kashkata, mashna kullki paktana kashkata rikushpa, shinallatak imalla yanapay paktanatapash riksinka, mana kayachishka, katarishka, munachishka kashpami paktanka.
Rimanakuypika, Kay kamachiy imalla yanapay charishaktami rimarkakuna kayshina llaktayukta ukllankapak, llaktapi kullkillankay wakllichishkamanta kishpirinapipash.
JLVN/pv/cg-k
