Kay Consejo de Administración Legislativa (CAL) wankuri, 6 ari apushitaywanmi kamachi rurana pichka killkata akllarkakuna, chuskuka Mamallakta Tantanakuy chayachishka shinallatak shukka Llakta pushak chayachishkami kan, kamachi ruranapak killkakkunaka Mamakamachiy shinallatak Ley Orgánica de la Función Legislativa (LOFL) kamachiy mañashkatami paktachin, chaymantami Minkarishkakuna allichichun chayachishka kan.
Soberanía, Integración y Seguridad Integral Minkarishkapika, Ley Orgánica de Seguridad Integral y Fortalecimiento de la Fuerza Pública kamachi killkatami riksinkakuna, Llakta pushak, Guillermo Lasso Mendoza chayachirka, kay kamachiyka llakta imashina ushaywan paktarinata shinallatak Chapakkunapash ushaywan paktarinatami rikuchinka.
Kay Transparencia, Participación Ciudadana y Control Social Minkarishkami Ley Reformatoria a la Ley Orgánica de Participación Ciudadana para la Gestión Democrática de los Presupuestos Participativos kamachi rurana killkata allichinka, Patricia Sánchez kamachi killkakmi chayachirka.
Shinallatak, Educación, Cultura, Ciencia, Tecnología e Innovación Minkarishkapika, Ley del Sistema Nacional de Cualificaciones Profesionales kamachi rurana killkatami allichinka, Pamela Aguirre kamachi killkakmi mañayta chayachirka.
Kay Ley de la Defensoría del Cliente kamachi rurana killka, Ramiro Narváez kamachi killkak chayachishkataka, Régimen Económico Minkarishkapimi allichinkakuna; shinallatak, Justicia y Estructura del Estado Minkarishkami kay Código Orgánico Integral Penal kamachiy mushukyachinapak killkata chashkishka, Xavier Jurado kamachi killkakmi chayachirka.
Ashtawanka, CAL wankuriyka, kay Unidad de Técnica Legislativa, kimsa puncha ukupi Consejo de la Judicatura tantanakuypak rimarikkunata, pushaktapash Ñawinchiyman kayachishka tukuy kamay paktashkata rikuchishpa shuk llankaywillayta chayachichunmi mañan, Viviana Veloz, Fausto Jarrín kamachi killkakkunami LOFL kamachiypak 80 niki killkapak ishkay niki wachu killkata katishpa ñawirinapak mañayta chayachirkakuna.
JLVN/pv/cg-k
