Kay 762 niki rimanakuypi, 10h15 pacha tutamanta kay awkarik 8 puncha panchi killami, Mamallakta Tantanakuypi Ley para Fomentar la Producción, Comercialización, Industrialización, Consumo y Fijación de la Leche y sus Derivados kamachi rurana killkata shuk niki rimanakuypi riksinkakuna, kay kamachiywanka ñuñu mirachinata sinchiyachinkapak, kamankapak, kuyuchinkapak, alliyachinkapakmi yanapanka.
Kay rimanakuyka Soberanía Alimentaria Minkarishkapi allichishka llankaywillaywanmi paktarinka, shinami Mamallakta Tantanakuyman llaktapak, shukllapak llankaywasikunawan, llaktayukkunawan yuyarinakushpa ñuñuta, ñuñumanta rurashkatapash rikunapak yuyarirkakuna.
Kipaka, kay rimanakuypillatak Relaciones Internacionales y Movilidad Humana Minkarishka allichishka llankaywillaytami riksinkakuna, kaypika Ecuador llakta, República Popular de China llaktawan kamaypi makipuranapak yuyarinakushkata arinin, shinami llakita shinallatak kunkarinatapash chimpapurashun, nirka.
Kay yuyarinakushka killkata kutin arinishkawanka ishkantik llaktakuna kamaypi harkarishkata, pachakuna rakitishkata, riksinakushkata, kamay chikanyashkatapash yallinapakmi yanaparinka, kay llakikunami kamay paktarinapak harkachishpa llakichikun.
Mikunata shitariy
Shinallatak, chishimanka, 15h30 pacha, kay 761 niki rimanakuywanmi katinka, kaypika Derecho a la Salud Minkarishkapi allichishka llankaywillaytami kay Ley para Prevenir y Reducir la Pérdida y el Desperdicio de Alimentos y Mitigar el Hambre de las Personas en situación de Vulnerabilidad Alimentaria kamachi rurana killkata ishkay niki rimanakuypi riksinka .
Kamachiywanka mikunata ama shinatanapak, shinallatak runa ayllukuna mana mikunata charikpi chayachinapakmi yanapanka, shina ayllukunapak mikunata chayachinapak, shinallatak runakuna mikunalla kakpika kullkita mana mañashpa karanapak, chayachinapakpash.
RSA/pv/cg-k
