Ñuñuta mirachinapak, rikunapa, kuyuchinapak, charishpa katinapak kamachi allichinata rimanakun, kay Ley para Fomentar la Producción, Comercialización, Industrialización, Consumo y Fijación del precio de la Leche y sus Derivados kamachiypak hatun yuyaykunami kan, Mamallakta Tantanakuypimi rimanakukunkuna.
"Kay kamachiywanka tukuy llaktapi ayllukuna mikunata, kawsaytapash alli charichunmi mashkakunchik; llaktapi ñuñuta tarpukkunata yanapashpa, ashtawankarin ashalla llankak runa ayllukunata, wakra wiñachiktapash yanapashpa, pakta pakta llankayta charichun kamachikunawan, paykuna rurashkata pakta chanipi mintalachun shinallatak ñuñuta, ñuñumanta yakutapash apamuyta chimpapurashpa llaichiyta ashayachinapak", kashnami Mamallakta Tantanakuyta pushak, Guadalupe Llori Abarca, nirka.
Kay kamachiyka Mamallakta Tantanakuy 2021 - 2022 wata kullkillankaymanta, ruray llankaymanta, llankay wiñachinamanta, llankakpak hayñikunamanta, seguridad social yanapaymantapash llankanapak churashkapimi rikurin, shinami ruraykunata, alli llankayta charinata, mushuk llankay wiñachinata, mushuk yuyaykunawan llankanata shinallatak mushukyanatapash sinchiyachinka.
Kay rimanakuyka Soberanía Alimentaria Minkarishka allichishka llankaywillaypi paktarishpami katirka, llaktapak, shukllapak llankaywasikuna, llaktayukkuna, yachakkuna, shinallatak wakrata ñuñuta wiñachik wakra wiñachikkunapak yuyay chayachishkatami uyarkakuna.
PV/cg-k
