Mamallakta Tantanakuy kay Corte Constitucional (CC) tantanakuypak mushuk kamakkunata, akllarinalla kamakkunatapash llankaypi kallarichirka, paykunataka Comisión Calificadora wankuriymi akllarka kaypi kamakkunamanta chawpita mushukyachinapak. Paykunak doctores, Richard Ortiz, Jhoel Escudero y Alejandra Cárdenas runakunami hatun kamak shutirirkakuna shinallatak Ana Donoso, Luis Sarango runakunaka akllarinalla kamak shinami shutirirka.
Kay Corte Constitucional tantanakuypi kamakkuna mushukyayka mamakamachiypak 432 niki killkapi paktarishkami kan, kaypika kamak runakuna iskun watakunatami llankay paktarinka ninmi, chay pachallatak mana akllashka kankachu ashtawanpash kimsa watan watanmi kimsa kamak runakuna shuktakyachishka kanka, ninmi.
Mamallakta Tantanakuyta pushak, Guadalupe Llori Abarca, kamak runakunata, akllarinalla kamak runakunatapash unanchayta chaskishpa llankaypi kallarishpa sakirka. Chay pachallatak, kamakkunaka arinishka killkapi shuti ashpishpa llankayta kallarirkakuna.
Yachaymutsuy
Richard Ortiz runami, pichkapuramanta yalli iñukunata 94 paktashka, katipika Jhoel Escudero, 93 iñukunawan shinallatak, Alejandra Cárdenas, 89,5 iñukunawan. Ortíz kamak runaka kamanata yachak, yuyaykunasapami, Sumak yachana wasikunapi llankaypak yachakkunawan, yachakkunakunatapash yachachishpa llankarka shinallatak Llaktay Kamayta, Mamakamachiytapash hatun riksikmi.
Jhoel Escudero runaka, Ecuador llaktapi kamanata yachakmi, sumak yachana wasipi yachachik shinallatak mushuk yuyaykunata mashkak, mushuk yuyay mashkakkunata pushak yachachik, Corte Constitucional tantanakuypi yuyaykunawan yanapakmi. Kay 2018 watamanta Centro de Derechos y Justicia del Instituto de Altos Estudios Nacionales (IAEN) sumak yachana wasipak kipapushak.
Alejandra Cárdenas runaka kamak shinallatak sumak yachana wasipi yachachikmi. kay Observatorio Andino de la Pontificia Universidad Javeriana de Colombia tantanakuypi mushuk yuyaykuna mashkakmi; 2012, 2013 wataka Escuela de Constitucionalismo y Derecho en el Instituto de Altos Estudios Nacionales (IAEN) sumak yachana wasipi Yachayta pushakmi karka.
KC/pv/cg-k
Ashtawan shuyukuna:
