Dina Farinango kamachi killkakmi, Secretaria General Alterna del Parlamento Latinoamericano y Caribeño (Parlatino) pushak akllarirka, payka kay suyullaktapura rimanakuypi shutirirka, shamuk ishkay watataka, Argentina llaktamanta senadora Silvia del Rosario Giacoppo.
kay 36 niki Asamblea ordinaria del Parlatino tantanakuypi shutirirka. Kay kamachi killkakkunapurapika, Brasil, Uruguay shinallatak Panamá llaktakunamantami chayashkakuna. Kay suyullaktakunapi kacharishpa rimanapak mashkayta ashtawan paskana yuyaywan rimanakushka kamachiy rurana llankayta apankakuna, shinami pandemia COVID-19 unkuy llakikuna sakishkamanta llukshishun.
Kallaripika, pushayta puchukakkuna, Chile llaktamanta Jorge Pizarro pushakushka, 2021 watapi llankashkata riksichirka, shinallatak 2022 watapak kullkillankay churashkatapash willarka. Hatun Tantanakuypika kimsa kamachiytami arinirka, kay kamachykunaka runakuna antanikichikman chayana hayñimanta; llikapankapi llankayta chaparayanamanta; ashtawanka, mamakuchapi kawsayta mana mapayachina, chuyayachinamantapash kamachiyta arinirkakuna.
Malvinas Yuyaypaktarishka
Kamakkunaka Mlvinas Yawantimanta awkikayta makipurashpa llukshinapak shuk yuyarinakushka killkata arinirkakuna, kay rikunaka Suyullaktapurapi shustachikmi. Chasnallatak, kay yuyaykunataka parlamentario Eurolatino (Eurotal) shinallatak kay Unión Interparlamentaria (UIP) hatun tantanakuykunapak rimanakuypi kimichina kan nishpami mañayta chayachirkakuna.
Rimanakuykuna
Tutamuntaka, Parlatino tantanakuyka Comisión Económica para América Latina y el Caribe (Cepal) shinallatak Unión Europea tantanakuymanta yachak runakuna riksichishkatami uyarkakuna, paykunaka kay Suyu llaktakuna sinchi llakipi kawsakushkatami rimarirkakuna, kay llakikunaka apndemia unkuymanta shinallatak charik llaktakuna, wiñarikun llaktakuna achka chinkanyashkamanta chayashka nirkakuna, kay wiñarikun llaktakunami ashtawan llakipi urmashka, mana unkuyllamanta, ashtawanpash, wiñarina harkarishkamanta. Alli kawsayman utka paktachun yuyayman kimirirkakuna, ashtawankarin, vacuna hampikunaman utka tukuykuna paktanaman, nirkami.
Shinallatak, Kay hatun tantanakuypi 19 llaktakunamanta Kamachi Awllita pushakkunami, tukuykuna makipurashpa kay suyu llakta ayllukuna kullkillankaypi wiñarinapak tantanakunaman kayachinakuna, Mamallakta Tantanakuymanta, istallakta tantanakuykuna yanapaymanta, ashtawankarin Unión Europea tantanakuy yanapana munayta riksichishkamanta.
EG/pv/cg-k
