85 ari apushitaywanmi, Mamallakta Tantanakuy huchachishkamanta ñawinchishka kipa Ruth Arregui Solano runata, superintendenta de Bancos pushaymanta anchuchirka, paytaka mamakamachiypi, kamachiykunapi churashkata mana paktashpa llankashka nishka huchachishkata riksishpami llankaymanta llukshichirkakuna, payka llaktapi kullkillankayta shinallatak kullkipaktaytapashmi mana rikurashpa llankashka, shinallatak kay llaktapi llaktayukkuna kullkiwasikunamanta huchachishkatapash mana kutichishkamantapash huchachishka.
Kay yuyarinakushka killkapika Ministro de Trabajo llankaywasi pushakman, Ruth Arregui runa kay shamuk ishkay watakunapi llaktapak llankayta ama ushachun willaytapashmi chayachinka. Shinallatak, kay llaktay ñawinchiypi achikyachik pankakunata Fiscalía General shinallatak Contraloría General del Estado tantanakuyman paykuna paktashkapi taripay kallarichun chayachinka.
Alexandra Arce shinallatak Darwin Pereira kamachi killkakuna, ñawinchiy paktarikkuna shina, llaktapak kullkillankaypi mana pakta rikuyta paktachishkamanta paypak llankay mana pakta kashkami rikurin, chaparapak, ñawinchinapak, rikuranapak ushay chayachishkata mana paktachirkachu. "Ecuador llaktapi kullkiwakunamanta waranka waranka wakllirishka ayllukuna Superintendencia de Bancos tantanakuy pushakmanta kichishkata mana chaskirkachu; llaktayukkunamanta kay Big Money llikapi pakalla kullki chaskina llakipipash mana utka chayarkachu", Pereira kashnami nirka.
Paymantaka, Ruth Arregui nirkami, ruraykunapi paktami llankashkanchik, achikllata paktarishpa, pakta pakta ruraywan sumaychaywanpash. "kay Código Orgánico Monetario y Financiero kamachi rikuchishkata katishpami llankashkani, llaktapi kullkillankay llikata chaparanapak, rikuranapakpash. Chaymantami, llaktay ñawinchikkuna chayachishka pusak huchachishka mana alli willashka kanchu", nirkami .
Rimanakuy
Rimanakuypika, superintendenta de Bancos, Ruth Arregui runata llaktay ñawinchiy, llankashka taripay rimanakuypika tawka wankurikunamanta 12 kamachi killkakkunami rimarirka, llnkayta mana alli paktachishkamanta, shinallatak kullkiwasikuna yanapana yuyaywan llaktayukpak pakalla llankashkamantapash..
Nirkakunami ñawinchik kamachi killkakunaka llankayta mana pakta apashkatami rikuchishka, ashtawankarin kullkiwasikuna llaktayukta wakllichikukpi, paykunapak yupayman yaykukukpi, willayta pakakukpi, Big Money llikapipash kullkita pakalla chaskikukpi mana pakta pakta rikushka nishpa .
EG/pv/cg-k
