Kay hunkaypi Mamallakta Tantanakuypak llankayka katinmi, pushak, Guadalupe Llori Abarca, kay Ley Orgánica de la Función Legislativa kamachiypi rikuchishkata katishpami, kay Consejo de Administración Legislativa (CAL) wankurita ishkay rimanakuyman kayachirka, llakta pushak, kamachi killkakkunapash chayachiska ancha mutsurishka kamachiy rurana killkakunata riksinkapak, shinallatak llaktay taripay, willayta mutsuripash riksinata kallarinkapak.
Kay 28 puncha panchi killa, Guadalupe Llori, Yeseña Guamaní, Nathalie Arías, Johanna Moreira kamachi killkakkuna aripi shitashkawan; shinallatak Virgilio Saquicela, Darwin Pereira, Ronny Aleaga kamachi killkakkuna mana chayashkawanmi kay Ley para la Atracción de Inversiones kamachi rurana killkata akllarkakuna, Llakta pushakmi kullkillankaymanta utka ruranapak nishpa chayachirka, shinallatak shuktak pusak kamachi ruranapak killkakkunatapash tawka wankurikunamanta chayachishkata akllarkakuna, kay chayachishkapika Código Orgánico Integral Penal (COIP); Ley Notarial; Ciberseguridad; Circunscripción Especial Amazónica; shinallatak Código de Organización Territorial, Autonomías y Descentralización kamachi mushukyachina killkakunami rikurin.
Kay 2 puncha pawkar killa, llaktay chaparay llankaypi, CAL wankurimi Derecho al Trabajo y la Seguridad Social Minkarishkata, Juan Lloret kamachi killkak, Consejo Directivo del Instituto Ecuatoriano de Seguridad Social, Francisco Cepeda pushakta willaykuna chayachichun mañashka chayachishkata chaskinka, kaypika IESS tantanakuy yuyaypaktarishka killkakunapi mana pakta pakta kullki chayachishkamantai riksichinka.
Kamachi killkakkunapak rimanakuy
Mamallakta Tantanakuyta pushak, Guadalupe LLori, kay wacha 26 puncha panchi killa 2022 watapakmi 759 niki rimanakuyta kutin kallarinkapak kayachirka, shinapash chawpi yalli kamachi killkakkuna illashkamanta mana kallariy usharkachu, shinaka 67 kamachi killkakkunami rimanakuyman yaykurka, shinallatak 70 kamachi killkakkuna Unes, Social Cristianos shinallatak Pachakutik wankurimanta tawka kamachi killkakkuna, kikin shutipi kamachi killkakkunapash mana chayamurka.
Mamallakta Tantanakuypak rimanakuyka shamuk hunkaymi kutin kallarinka, Ley Orgánica de la Función Legislativa kamachi rikuchishka pachakuna ukupimi kayachinka.
