Minkarishkakunaka llaktayukkuna mutsushkamanta rurarina kamachiy killkakunapimi llankashpa katikun, kaypika llankaywiñachinapak, kasiklla kawsanapak, hayñikuna ukllanapak yuyaykunami churashka kan.
Kay wankra 1 puncha pawkar killa, Desarrollo Económico Minkarishka, Llakta pushak, Guillermo Lasso, kullkillankaymanta utkashpa ruranapak Ley Orgánica para Atracción de Inversiones, Fortalecimiento del Mercado de Valores y Transformación Digital killkata riksishpa kallarirkakuna.
Kay chillay 2 puncha pawkar killa, 11 Minkarishkakunami Mamallakta Tatanakuypak wasiman chayashpa llankarkakuna kaypika, tawka kamachi rurana killkatami riksishpa katirkakuna, shukniki, ishkayniki rimanakuypak llankaywillayta allichishpa, shinallatak ñawinchiy, llaktay chaparaypipash katirkakuna.
Shinallatak, Derecho al Trabajo Minkariskapika Llakta pushak kay Ley de Seguridad Social kamachiyta allichinaman kachashka llankaywillaytami riksirkakuna, kaypika Instituto Ecuatoriano de Seguridad Social tantanakuy shinallatak paykuna charishka pushaypash achiklla paktarichunmi chaparan.
Kay kullka 3 puncha pawkar killa, tukuykuna llankayman chayamushpami, Salud; Seguridad; Biodiversidad; Participación Ciudadana; Desarrollo Económico; shinallatak, Garantías Constitucionales Minkarishkakunapi llankarkakuna.
Kunan 4 puncha pawkar killa, tawka minkarishkakunapi llaktayukpak yanapashka yuyaykunata 9 rimanakuypi paktarka. Desarrollo Económico Minkarishkapika Ley para Atracción de Inversiones Kamachi rurana killkamanta rimanakushpa katinka; Gobiernos Autónomos Minkarishkapika Ley de Legalización de Tenencias de Tierras kamachi rurana killkata riksishpami ishkayniki rimanakuypakmi llankaywillayta allichichun, ashtawanka Llakta pushakmanta pushakkunatami chaskinka; shinallatak mutsurishka kamachi rurana killkakunat riksinapi tawka minkarishkakuna llankanka.
