Kay Consejo de Administración Legislativa (CAL) wankurika Guadalupe Llori, Yeseña Guamaní, Nathalie Arías, Johanna Moreira kamachi killkakkunapak chusku ari apushitaywan; shinallatak, Virgilio Saquicela, Darwin Pereira, Ronny Aleaga kamachi killkakkuna mana chaypikashkawanmi, Llakta pushak chayachishka Ley para la Atracción de Inversiones kamachiy rurana killkata arinishpa akllarkakuna, shinallatak tawka wankurimanta kamachi killkakkuna chayachishka 8 kamachi rurana killkatapashmi riksirkakuna, kaykuna Código Orgánico Integral Penal (COIP); Ley Notarial; Ciberseguridad; Circunscripción Especial Amazónica; shinallatak Código de Organización Territorial, Autonomías y Descentralización kamachiy runarana killkakunami kan. Ashtawanpash, CAL wankurishka kamachi killkakkuna chayashpa rimanakuypimi Derecho al Trabajo Minkarishkamanmi, Juan Lloret kamachi killkak Consejo Directivo del Instituto Ecuatoriano de Seguridad Social tantanakuy pushakta kay IESS tantanakuy imamanata yuyarinakushkata paktashpa kullki mana chayachiskata willay mañashkata mana chayachishkata riksichuna mañarka.
Utkashpa rurana kamachi shinallatak Código Monetario kamachi mushukyachinami Kullkillankaypi rikurirka
Kay Desarrollo Económico Minkarishkapika Ley Orgánica para Atracción de Inversiones, Fortalecimiento del Mercado de Valores y Transformación Digital kamachi rurana killkata chaskishka kipami, llaktayukkunaman riksichishpa shinallatak yuyaytapash chaskishpa kallarirka, chaypakka llaktapi pushakkunata shinallatak llankaywasi wankuri pushakkunatapashmi uyarka. Shinallatak llaktayukkunapak kullkillankayta, makipuray rikukta, makirurakta, uchilla, maltalla llankaywasikunata sinchiyachinapak kamachiykuna mushukyachinata riksirkakuna. Kay Régimen Económico Minkarishkapika Ley Reformatoria unificado al Código Monetario y Financiero kamachiy mushukyachinatami yachashpa katikunkuna, chaypakka tawka llaktayukkunatami uyarkakuna.
Kay hunkaypi llankayka llaktayukkuna mutsushka kamachiy ruraykunapimi paktarirka
Kay Garantías Constitucionales Minkarishkapika Centro de Investigación y Defensa del Derecho al Trabajo tantanakuymanta Federación de Cooperativas de Transporte Interprovincial; shinallatak, Superintendencia de Bancos tantanakuymantami kay Ley de Apoyo Humanitario kamachi mushukyachinapak chayachishka yuyaykunata chaskirka. Chashnallatak, Derecho a la Salud Minkarishkapi kanchis kamukunatami uma hampina rikuk killkata riksina kallarirka, pichka kamukunaka pukllayta sinchiyachinapakmi kan, kayshun ishkaypika ancha unkushka, mana riksichka unkuy charikkunaman hampikuna chayachinapak kamachiymi kankuna. Kay Derecho al Trabajo Minkarishkapika Ley de Servicio Público kamachi mushukyachinapak ashtawanmin yuyaykunata chaskishpa katikunkuna, kay kamachiywanka llaktapak llankakkunaman yachachishpa katinapika warmikunata, kari warmi wawakunata, wamrakunata llakichiyta harkanapak yuyaykunata kimichichunmi mañankuna. Shuktakpika, Llakta pushak kay Ley de Seguridad Social kamachi mushukyachinapak IESS tantanakuy achilla llankayta charichun, charishkakunatapashallí pushachun kamachiyta allichinaman kachashka llankaywillaytami arinirkakuna. Kay Transparencia y Participación Ciudadana Minkarishkapika Ley de Participación Ciudadana para la Gestión Democrática de los Presupuestos Participativos kamachi mushukyachina killkatami riksishpa kallarirkakuna.
Minkarishkakunapika kasiklla kawsanamanta, kacharishpa willanamantami rimanakurkakuna
Kay Relaciones Internacionales y Movilidad Humana Minkarishkapika yachachikkunata, kamachi killkakkunatami Ley para la Garantía, Promoción y Protección de Libertad de Prensa, de Opinión, de Expresión y de la Comunicación kamachi rurana killkapak ishkay niki rimanakuypi yuyaykunata chayachichun chaskirka. Kay Soberanía y Seguridad Integral Minkarishkapika Ley de Personal y Disciplina de las Fuerzas Armadas kamachi rurana killkata riksishpa katikunkkuna, kamachiywanka awkakuna yachaypaktanata, akllarinata, munakkunata yachay kallarichinata shinallatak Fuerzas Armadas tantanakuypak awkakuna kasiklla kawsanamantami rimakun.
Kay hunkaypika llankayta sinchiyachinapak, markakunata yanapanapak, wiwakunata ukllanapak kamachiykunatami rimanakurka
Kay llaktapak Ministerio de la Producción shinallatak Unión Europea suyullaktapak minkashka apumi Soberanía Alimentaria Minkarishkapika yuyaychimpapurarka, kaykutinka, Ley para el Desarrollo de la Acuicultura y Pesca kamachi mushukyachina mana mutsurinchu nirkakunami, kay kamachiypak uchilla kamachi paktarinaman yaykukpimi allí kashka mana allí kashkata riksishun, chay kipami ima mushukyachinata riksishun nirka. Kay Garantías Constitucionales Minkarishkamanka Subsecretario de Generación y Transmisión de Energía Eléctrica del Ministerio de Recursos Naturales no Renovables tantanakuymanta killkakamayuk shinallatak mamallakta marka tawka pushakkunami chayamurka, kay Ley 047 kamachiymanta rikushka yuyaykunata chayachinapak, kay kamachiywanka Azuay, Cañar, Morona Santiago, Tungurahua markakunami zirma mintalashkamanta kullkita chaskina nin. Kay Biodiversidad Minkarishkamanka tawka kamachiykuna mushukyachinapak killka chayamurka, Educación Ambiental y la Violencia Interrelacionada kamachiymanta shinallatak Código del Ambiente kamachi mushukyachinamanta kitikunapi kawsak wiwakuna allí kawsay paktanapak rikuk yanapay. Kay Gobiernos Autónomos Minkarishka shinallatak Markakunapi Consorcio de Gobiernos Autónomos pushakkunawan tantallami Cootad kamachiy mushukyachinata riksirkakuna, kay mushuk mamakamachiypi Pakta llakta allpaman chayana paktanapak churashkatami rimanakurkakuna.
Mamallakta Tantanakuypi Llaktay Chapayka punchantami katin
Kay Garantías Constitucionales Minkarishkapi tukuy kamachi killkakunami Furukawa Plantaciones C.A. del Ecuador llankay wasimanta ñawinchishka llankaywillayta arinirkakuna, kaypika, tawka yuyaykunata rikunapak churashkapika, Ministerio de la Producción llankaywasita, llaktayukkunata rikunapak, pachamamanta chaparanapak llaktayta wiñachichunmi mañan, runakunapak kawsana hayñimanta istallaktakunawan makipirachishpa kay llaktapi llankay paktachunpash mañan. Shuktakpika tawka minkarishkakunami CAL wankuri yuyarishkata riksirkakuna, kaypika kamachi killkakkuna Llaktapak lllankaywasikunata tawkakutin willayta chayachichun mañakpi mana chayachishakamanta mañashpa katichunmi rikuchin. Gobiernos Autónomos Minkarishkamanka Ministro de Obras Públicas shinallatak Finanzas llankaywasi pushakkunata kutinpashmi kayachirka kay kutinka “Peaje de la vía Guayas – Santa Elena” harkachik chanita ruraykuna paktakushkatami willachun kayachin; Manabí, Esmeraldas llaktakunata allichinapak, llankaysinchiyachun kullki chayachishkata, shuktak yuyaykunatapash riksichichunmi kayachin.
PV/cg-k
