Mamallakta Tantanakuyka Fausto Jarrín kamachi killkak, Bancada Unión por la Esperanza wankurimanta mañashkata mana arinirkachu, payka puncha llankanapak ishkay nikipi Consejo de Administración Legislativa (CAL) wankuripak llankayta taripanapak arinichunmi mañayta chayachirka.
Mañashkataka apushitayman kayachirka, 69 ari apushitayta paktarka, arininapak mana paktarkachu. Shinallatak, 30 mana nishka apushitayta, 34 mana apushitashkatapash paktarka, tukuykunaka 133 kamachi killkakkunami chayamurka.
Mamallakta Tantanakuypak rimanakuyka kay chillay 9 puncha pawkar killa tutamantami, Pabel Muñoz kamachi killkak kay CAL wankuri llankashkata taripanami kan nirka, shinallatak Ricardo Vanegas kamachi killkakka Ley Orgánica de la Función Legislativa kamachiypak 18 niki killkata rikuchishpa kay paktarinaka kamachiypi mana tiyanchu shinaka ñawinchiy pakta katinatami rikurana, nirka.
"Kamachiypi mana churashkata shuk Minkarishkata wiñachishpa llankay paktashkata riksina kanchik ninalla mana kanchu. Kamachiyka mamakamachiypak hawapi mana kanchu, kamachiyka CAL wankuripi llankakta taripanapak mana rikuchinchu", Vanegas kashnami nirka.
Procuraduría tantanakuy yuyarishkata katishpa, Mamallakta Tantanakuyka CAL wankuripi mana yaykuriy ushanchu. Kayshina willaykunaka mamakamachiyta rikurashpa paktachinapaktakmi kan.
Ashtawan shuyukuna:
