Kay Consejo de Administración Legislativa (CAL) wankuripi, chusku ari apushitaywanmi, Código de Soberanía Alimentaria kamachi rurana killkata akllarka, kay kamachiyka wasi ayllukunapi tarpuyta yanapankapakmi kan, mañaytaka Salvador Quishpe, Dina Farinango, José Chimbo, Patricia Sánchez, Salvador Maita, Peter Calo shinallatak Isabel Enrríquez kamachi killkakkunami chayachirka; Soberanía Alimentaria Minkarishkami kay kamachiy rurana killkata allichinka.
Chashnallatak, kay hatun wankurika Gobiernos Autónomos Minkarishkatami kay Ley de Ordenamiento Territorial, Uso y Gestión del Suelo kamachiy mushukyachinata allichiy kallarichun mañarka. Allichinapak mañaytaka Ricardo Ulcuango kamachi killkakmi chayachirka, kay kamachiywanka llakta ayllukunapak, runa llaktakunapak hayñikunata paykunapak paktana ukupi riksirina.
Ashtawanpash, CAL wankurishka Salud Minkarishkatami Patricia Mendoza kamachi kilkak, Fernando Alvear runa, Registro Civil tantanakuy pushakta, cáncer de piel unkuy 2010 watamanta 2022 watakama tiyashka willayta chayachichun mañarka. Kayachishka llankaywasikunaka: Solca; IESS; shinallatak, Registro Civil tantanakuykunami kan.
Kay Gobiernos Autónomos Minkarishkami Carlos Barcia runa, Quinindé kiti pushakta willayta mañanka, kaypika upyana yuku, mapayaku apanapak llankaykuna paktakushkatami riksichinka. Fanny Pinto kamachi killkakmi mañayta chayachirka.
Chashnallatak, CAL wankurika Participación Ciudadana Minkarishkatami Carlos Riofrío runa, contralor general del Estado subrogante pushaktami, Santo Domingo de los Tsáchilas marka pushakta, marka kipa pushakta, kiti pushakta, kiti kipapushakta, kunan runakunata, kitilli pushakta rimarikkunatapash, GAD kitipi llankakkunata, llakta kitillikunata, paykunapak llankaywasikunatapash imalla llankay paktana willayta mañachun kayachirka. Viviana Veloz kamachi killkakmi Ñawinchiy, llaktay chapay paktarina ukupi mañarka.
JLVN/pv/cg-k
