Mamallakta Tantanakuypak Nela Martínez wasi ukupimi, makirurakkuna, kawsaytarpuy pushakkuna, tantanakuykuna shinallatak Markakunapi tantanakuyta pushakkunapash tuparishpa Mamallakta Kamachi Awlli pushak, Guadalupe Llori Abarca kamachi killkakman, Ley de Cultura kamachiy mushukyachina killkata chayachirka. "Pachamama charishkapi tawka kawsayuk llaktami kanchik, kawsaytarpuypika ashtawan charikmi kanchik, allpapachaman achkata mintalanapak charikmi kanchik, ashtawankarin wiñaymanta yuyaykuanta wakichishpa katinkapak", kashami Mamallakta Tantanakuyta pushakka, nirka.
Llaktapi Casa de la Cultura tantanakuyta pushak, Fernando Cerón runaka Mamallakta Tantanakuyta yupaycharka, kawsaytarpuypi llankakkunaman punkuta pashkashkamanta shinallatak tukuyta tantachik kamachiyta ruranapak llankachun kayachirka, shinallami llaktapi wiñaymanta charishkata, tawkapura kawsay charishkatapash ukllashun, nirkami.
Pushak Guadalupe Llori kamachi killkakka kay CCE tantanakuypak yuyashkawan paktarirka shinallatak "Ecuador llakta mutsushkata kutichik kawsaytarpuy llikatami mutsunchik, Casa de la Cultura tantanakuyta Ministerio de Cultura llankaywasiwan shinallatak llaktapi pushakkunawanpash tinkichuchunmi mutsunchik, charishkata wakichishpa katinkapak llaktapi ruraykunatapash kuyuchinkapak. Llaktapi rurakkunata, takikkunatapash wiñachichunmi mashkanchik, ista llaktamanta kawsayta riksichik chayachunpashmi mashkakunchik", nirkami.
Kay Educación Minkarishkata pushak, Manuel Medina kamachi killkakka mushuk Mamallakta Tantanakuypi tawka watakunata kunkashka tukuy llaktayukta yanapak kamachiy ruranapak punkuka pashkashkami."Tawka kawsayta charik llaktaman kay kamachiyta arinishpa utka kutichinata shuyanchik", nirkami.
Guadalupe Llori, pushakkunata, kawsaytarpuy tantanakuykunata yupaychashka kipaka, Educación Minkarishkamanta, Mamallakta Tantanakuymantapash, kay kawsaytarpuyta pakta rimanapakmi arinirka kayshina llankak ayllukunaman, tantanakuykunamanpash seguridad social yanapayta, samana kullkita, pakta kawsaytapash chayachinkapak, nirkami.
Kay CCE tantanakuy chayachishkapika llaktapi kawsaytarpuyta sinchiyachinapak, kaypi llankakkunata yanapanapak, seguro social yanapayta churanapak, kikinmanta tantanakushpa llankayta riksinapakmi mashkakun, kunanpika kayshina rikuykunaka paktarikuk Ley de Cultura kamachiymana kanchamanmi sakirin, nirkami.
KC/pv/cg-k
Ashtawan Shuyukuna:
