Mamallakta Tantanakuypi, 121 ari apushitaywan kay Ley de Seguridad Social kamachiywan Instituto Ecuatoriano de Seguridad Social tantanakuy tukuy charishkapi llankayta achikyachinapak killkata kutinpashmi arinirkakuna, kay arinishka kamachiyka KipuKamayukman chayashpa willachishka kanka, chay kipami tukuy paktarinaman yaykunka. Shina paktariyka Llakta Pushak rikushpa chawpi killkata allichinaman kachashkata mana hapishka kipa.
"Llaktayukta yanapak kamachiytami kutinpash arininchik, paykuna shutichishka shinaka llaktayukta yanapanapak paykuna mutsushkapi chayanaakmi llankakunchik. Kay mushuk kamachiywanka, shamuk punchakuna llaktauyukman chayachishka kanka, Ecuador llaktapi kari warmi kimirishka ayllukunaka seguridad social yanapayman chayachunmi sumaychanchik, chaymantami tukuy charishkata achikyachina mutsurin, tukuy llaktayuk pakta riksichun", kashnami Guadalupe Llori Abarca, Mamallakta Tantanakuyta pushak, nirka.
Pamela Aguirre kamachi killkak, llankaywillayta riksichik, achiklla iñishpa llankayta mitsarirka, ñawinchiy paktarina ukupi..
Rimanakuy
Salvador Quishpe, Nathalie Viteri, Pamela Aguirre, Luis Almeida, Amada Ortiz shinallatak Gustavo Loor kamachi killkakkunami tukuy willayta achikyachina mutsurin nirkakuna, llaktayukmanta, runa kawsaymanta runa kawsaymantapash.
Hampina wasikunapi llakikunamanta rimanakurka, hampikuna illan, mawkayashkapashmi tiyakushka nin, IESS hampina wasikunamantapash hampina yachak llankakunata llankaymanta llukshichishka. kanchamanta yanapakmanpash kullkita mana chayachishkakuna. Shinallatak seguridad social nanapaymanta, Seguridad Social Campesino yanapaymantapash Ecuador llakta tawka ayllukunata llukshichishka; llankakkuna achiklla llankayta, pakta kayta, sumaychaywan llankaytapash hampinata, kawsaytapash ukllankapakmi kayachin.
RSA/pv/cg-k
Ashtawan shuyukuna:
