“Llankakunchikmi, allí paktaykunawan, kay 2009 watamanta llankashkawan chimpapurashpaka, kay watami Mamallakta Tantanakuy llankayta kallarirka”, kashnami Guadalupe Llori Abarca, Mamallakta Tantanakuyta pushak nirka, kay Mamallakta Tantanakuy 2021 wata llankashkata llaktayukman riksichiypi. Kay Mamallakta Tantanakuy “Ecuador llaktamanta Minka” llankay paktana ukupi tukuy ruranapak churashkatami tukuy kamachi killkakkunawan, tukuy wankuripi llankakkunawapash makipurashpa paktakunchik. Mamallakta Tantanakuyka aymuray killamanta shinallatak kapak killakama 2021 watapika, 138 kutinmi rimanakuyman tantarirka, tukuy llankaypika 26 kamachiyta llaktayukta yanapanapak arinirkanchik, shinaka, 10 kamachiymi kayshun pushakkunata yalli rurarkanchik. Shinallatak CAL wankurika 145 kamachiy rurana killkatami akllarka, 109 kamu killkakunaka kay 14 puncha aymuray killamanta 31 puncha kapak killa 2021 watakama llankay ukupimi paktarin. Ashtawanpash, 13 llaktay ñawinchiy mañaytami akllarka, chaymantaka kanchismi riksinapak chayarka, pichkami ñawinchiy taripayman chayarka.
Guadalupe Llori Pushak Ley de Cultura kamachiy mushukyachinata killkata chaskirka
Pushak Guadalupe Llori kamachi killkakka makiruraypi, kawsaytarpuypi, llaktapak markakunapi llankakkunata chaskirka paykunami Ley de Cultura kamachi mushukyachin killkata chayachirkakuna. “Tawka samay kawsak pachamamata charik llaktami, shinapash kawsay tarpuy charikta yallimi kanchik, allpapachaman mintalanapak achka charik, ashtawankarin yuyaypi charishkata wakichishpa katik”, nirkami.
El presidente de la sede nacional de la Casa de la Cultura, Fernando Cerón agradeció a la Asamblea Nacional, por abrir sus puertas al sector cultural y trabajar mancomunadamente por una ley pluralista, que proteja el patrimonio y fortalezca la diversidad cultural del país.Llaktapak Casa de la Cultura tantanakuyta pushak, Fernando Cerón runaka Mamallakta Tantanakuyta kawsay tarpuypi llankakkunaman punkuta paskashkamanta yupaycharka, shinallatak makipurashpa achka yuyaykuna charik kamachiyta llachikushkamanta, shinami llaktapak tawka charishka kawsaytarpuyta wakichishpa katishun nirkami.
Mamallakta Tantankuyka kullkimanta utkashpa ruranapak Llakta pushak kachashka killkata mana arinirkakuna
87 ari apuchiywanmi, Mamallakta Tantanakuyka kay Ley Orgánica para Atracción de Inversiones, Fortalecimiento del Mercado de Valores y Transformación Digital kamachi rurana killkata mana arinishpa wakichirkakuna, shina paktarinataka mamakamachiypak 140 niki killkata, shinallatak Ley Orgánica de Función Legislativa kamachiytapash katishpa, kaypika Mamallakta Tantanakuy kullkimanta utkashpa rurana kamachiyta, allichinapak chaskishka kimsa chunka puncha ukupi arininapak, mushukyachinapak rikuchin; shinallatak, tukuy kamachi killkakkuna arinishkawan, Kamachi rurana killkata wakichiy ushan nin. Chaypak ñawpaka, Daniel Noboa, Desarrollo Económico Minkarishkata pushak tukuykuna allichishka killkata chayachishkata mana arinirkakuna.
Mamallakta Tantanakuyka IESS llankayta achikyachinapak kutinpash arinirka
Mamallakta Tantanakuyka, 121 ari apushitaywan kay Ley de Seguridad Social para Promover la total transparencia de la gestión de los recursos del IESS y de todas las entidades de su propiedad kamachi rurana killkata kutinpash arinirka, kay kamachiyka Kipu Kamayman chayachishka kanka, llaktayukman willachinapak, shinami tukuy paktarinaman yaykunka. Llakta pushak allichinapak rikuchishkata mana hapishka kipa. “Llaktayukta yanapak mamachiytami kutinpash arininchik, llaktayuk akllashka kashpaka paykunata yanapanapak llankakunchik. Kay mushuk kamachiywanka, shamuk punchakuna llaktayukman chayakpi, Ecuador llaktapi tukuy kay seguridad social yanapay achiklla llankayman chayachun sumaychashka kanka, kaypika IESS tantanakuymi paypak kullkillankay achilla paktashkata, tukuy llaktayukkuna pakta riksichun chayachinka”, kashnami Guadalupe Llori Abarca, Mamallakta Tantanakuyta pushak nirka.
Kay Lobby chaparana, munashkawan waktarina kamachiy rurana killakta wakichirkakuna
Mamallakta Tantanakuy, 91 ari apushitaywan, kay de Ley para la Regulación del Lobby y la Prevención de Conflictos de Intereses kamachi rurana killkata wakichinapak arinirkakuna, kay Transparencia, Participación Ciudadana y Control Social Minkarishkapi allichishka llankaywillayta katishpa paktarirka kayshina rikuyta kamachiywan paktanapak shuk kamay mana tiyashkamanta, manaykuna miranapak punkuta paskashkamantapash. Chusku kamu killka chayachishkata riksishka kipa Minkarishkaman tantanakuykuna, wankurikuna, llaktapak, shukllapak llankakkuna, yachakkkuna, yachachikkunapash kay llaktamanta, istallaktamanta chayamurka, paykunaka shuktak llaktakunapi kayshina kamachiyka ashtawan llakikunata mirachun yanapashkatami riksichirkakuna.
Llaktayukwan kay kamachiy rurana killkata rimanakuymi kay hunkay llankaypi rikurirka
Kay Gobiernos Autónomos Minkarishkapi COOTAD kamachiy mushukyachinapak killkamanta rikuchishkata, wankuripi llankashkata, tawka killka tantachishkata uyarka, mañaytaka Peter Calo, Yeseña Guamaní, Marlon Cadena, Ronny Aleaga kamachi killkakunami chayachirka. Llakta pushak kay Ley que Garantiza la Interrupción Voluntaria del Embarazo para Niñas, Adolescentes y Mujeres en caso de Violación kamachi rurana chawpi killkata allichinaman kachashkata Justicia Minkarishkapi hampina yachak ayllukunawami achkata rikushpa rimanakurkakuna. Soberanía Alimentaria minkarishkapika tawka kamachikuna mushukyachinapakmi riksishpa kallarirka, kaypika wakllirinalla mikunata hapini aduana chapaykunapi imashina paktarinatami riksikunkuna, kayshina mikuna ama chinkarikun mashkakuna. Kay Ley para la Garantía, Promoción y Protección de Libertad de Prensa, de Opinión, de Expresión y de la Comunicación kamachiy rurana killka ñami ishkayniki rimanakuypak allichishka tiyakun, kay Relaciones Internacionales Minkarishkapi llankaywillayta allichishka kipa. Biodiversidad Minkarishkapika kay Leyes respecto de la Educación Ambiental y la Violencia Interrelacionada kamachiykunata mushukyachinapakmi riksishpa kallarikun. Kay Protección Integral a la Niñez y Adolescencia Minkarishkapika kay Código Orgánico de Protección Integral a Niñas, Niños y Adolescentes (Copinna) kamachiy ruranapak Libro I kamutami riksishpa katikunkuna.
Minkarishkakunaka Manu kullki paktarinata, llaktawan yuyaypaktanata shinallatak kullkillankaytapashmi kallari llankaypi churarka
Kay Régimen Económico Minkarishka Ley de Equidad Tributaria kamachiy rurana killkata riksishpa kallarirka, kay kamachiyka llaktayuk manu kullkita utkashpa hawalla chachichunmi yanapanka; shinallatak kay Ley del Sistema Nacional de Contratación Pública kamachiy mushukyachinawanka, kay Régimen Especial de Contratación paktarinatami allichinapak mashkakun. Kamak yachak Camila Valdez, Cristina Ordóñez warmikunami Desarrollo Económico Minkarishkaman Leyes para el Desarrollo, Regulación y Control de los Servicios Financieros Tecnológicos, Ley Fintech shutiwan riksishka kamachiyta mushukyachinapak tawka yuyaykunata chayachirka. Llakta pushakkunapak, llaktayukmanpash llankaykullkita chayachinapak Ley de Participación Ciudadana kamachiy mushukyachinapak. Derecho al Trabajo Minkarishkapi kay Ley de Seguridad Social kamachi mushukyachinapak yuyaykunata shukniki rimanakuypak chayachirka, kayshina paktalla ayllukuna shinallatak chalwata hapikkunapash Seguro Social Campesino yanapayman paktarichun sumaychanka.
Llaktayukwan llankakkunata uyanapak Mamallakta Tantanakuyka punkuta pashkashkami
Ñuñu llankak wankurita pushakkuna shinallatak tarpuyllankak wasikunamantapashmi Soberanía Alimentaria Minkarishkaman paykunapak yuyayta kay Ley para fomentar la producción, comercialización, industrialización, consumo y fijación del precio de la leche kamachiy rurana killkaman riksichinaman chayamurka. Shinallatak chalwata makiwan hapikkuna, tantata rurakkunapashmi chayamurka. Justicia Minkarishkapi llaktayukwa llankakkunatapash kay Código Orgánico Integral Penal kamachi mushukyachinamanta rimanakuypi uyarkakuna, kamachiywanka antawapi yalli kallpashkamanta kullki wanachiyta ashyachinapak, pankapi iñukunata ashayachinata anchuchinapakmi mashkakun. Kay BIESS trantanakuyta pushak, Superintendenta de Bancos shinallatak Junta de Política y Regulación Financiera tantanakuyta pushakpashmi Derechos al Trabajo Minkashkaman kay Universidad Laica Eloy Alfaro de Manabí sumak yachana wasipi samana kullkimanta tantanakuypi paktakushkata riksichirka, shinallatak IESS tantanakuypi pushakka IESS tantanakuy kanchamanta yanapakkuna kullkita imamanta manarak chayachishkamanta tawka kamachi killkakkuna tapushkatami kutichirka. Derecho a la Salud Minkarishkapika Asociación de Municipalidades del Ecuador (AME) tantanakuymanta kay Ley para la Gestión de la Emergencia Sanitaria por Pandemia causada por el Covid-19 y sus variante kamachi ruranapak yuyaykunatami chaskirka.
Ñawichiy, Llaktay Chaparayka punchanta llankaymi kan
Kay Soberanía y Seguridad Social Minkarishka, Policía Nacional tantanakuypi pata wichiyay imashina kashkatami Llaktay Chaparay ukupi general de Distrito en servicio pasivo Pablo Rodríguez runa willarka. Kay Fiscalización Minkarishkapika mutsurichka chawpi yallita mana paktarkachu Procurador General del Estado pushakta Llaktay Ñawinchiyman kamayta mana katishpa llankashka nishpa Ferdinan Álvarez runa mañashka. Shinallatak Cuenca llaktapak fotorradares antakuna rantinapak yuyaypaktarishkapi llakikuna tiyashka nishkatapashmi taripay kallarirka. Ministro de Finanzas pushakka kutinmi Educación Minkarishkaman kayachishka kanka kaypimi yachachikuna paktaypi killkakullki hapinapak llankaywillaymanta rikischinka shinallatak antisuyu llaktapi chusku sumak yachana wasi wiñachinata katikushkatapash willanka. Garantías Constitucionales Minkarishkapika kay ushayta yalli paktarishka nishpa huchachishkata mana riksishka kati usharkachu, kay Día Internacional de la Mujer punchapi, Ministra de Gobierno, Comandante de Policía y Secretaria de Derechos Humanos mana chayamushkamanta, paykunataka kimsa kutinpashmi kayachin. Kay Comité de Ética Minkarishkapika Eitel Zambrano kamachi killkak María Fernanda Astudillo runata huchachishkatami riksishpa kallarirka, kay mañayka Consejo de Administración Legislativa wankurishkapi akllashkami karka. Kay Relaciones Internacionales Minkarishkapika Valeria Espinoza, Secretaría de Educación Superior, Ciencia, Tecnología e Innovación (Senescyt) wankuripak shutipimi, kay Rusia, Ucrania llaktakuna kamakuymanta shamuk yachakkukkunata imashina yanapay paktanata willarka.
PV/cg-k
