Llakta Pushak, Guillermo Lasso llaktaman willay chayachiykuy ukupi, Mamallakta Tantanakuyta pushak, Guadalupe Llori Abarca kamachi killkakka Llakta pushaktami llaktayuk kasiklla kawsay mashkaypi, llakta sinchiyanapi, tarpuk paklla runakunata, irki wawakunaman mikuna chayachinata, wakchakunata yanapanapi, warmikuna wakllichiyta harkanapi llankanapakpash kayachirka, ”Llaktataka shukpa kayshukpak nishpa rakinaka mana usharinchu, tantallami kana kanchik, shuk makilla, llakichiktak ayllukunawan chimpapurashpa”, kashnami Mamallakta Tantanakuyta pushakka nirka, shinallatak Llankaywasi rikuranaman, mamakamachiyta charirashpa sumaychashpa llankanamanmi kayachirka, shinallami munashka muskushka Ecuador llaktamanka chayashun nirkami. Mamallakta Tantanakuyta pushakka llaktayukman ishkay hatun huyay chayachishkatami paktachikuni: mamakamachiyta, kamachiykunata, tantanakuy pushanapipash sumaychana sumaychachinapi; shinallatak kayshuk yuyayka llaktayukwan yuyaypaktarinapi, llaktayukta shukyachinapi, llankay wasi charinapi pushanapipash llankakuni nirkami.
Mamallakta Tantanakuyta pushakka Batalla de Pichincha atirinakuy 200 watakuna paktashka raymimanmi chayarka
Mamallakta Tantanakuyta pushak, Guadalupe Llori kamachi killkakka, Batalla de Pichincha atirinakuy ishkay paktasak watakuna paktashkamanta awkakuna raymihspa yuyarinakuymanmi chayarka. Llakta pushak, Guillero Lasso pushakwan, Llaktata hatun pushakkunawanmi tantarishpa, llakta kishpirishkata yuyarishpa sumaycharkakuna. Llaktapak willka wasi uku, kishpirina hawa urkupimi, awkakunaka makanakushpa llakta kishpichiytaka paktarkakuna, Mamallakta Tantanakuypak shutipimi shuk sisa llawtuta chayachirka, kay 24 puncha Aymuray killa 1822 wata llaktayukkuna atirishkata yuyarirkakuna, kay awkakunaka llakta kishpirinata paktanakamami makanakurkakuna.
17 kamachiy rurana kamu killakunatami Minkarishkakuna riksichun chayachirka
Kay Consejo de Administración Legislativa wankuriyka 17 kamachiy rurana kamu killkakunatami akllarka, kay killkakunaka llankaymanta, hampinamanta, yachaymanta, pushay chikanyanamanta, kamaymanta, mamakamachiyta sumaychanamanta, llakikunata chimpapuranamanta, wawakuna imillakunata sumaychamanta yuyaykunatami charin, kay kamu killkakunataka Garantías Constitucionales, Gobiernos Autónomos, Educación, Soberanía y Seguridad Integral, Soberanía Alimentaria, Transparencia, del Derecho al Trabajo, shinallatak Justicia y Estructura del Estado minkarishkakunamanmi kamachiyta ruray kallarichun chayachirkakuna. Shuktakpika, CAL wankurika Mamallakta Tantanakuyta ishkayniki kipapushak, Yeseña Guamaní kamachi killkak llankayta mana alli paktashka nishpa ñawinchiy kallarichun mañashka huchachishkatami akllarka. Ashtawanka, kimsa ari shinallatak ishkay mana apushitaywanmi, Mamallakta Tantanakuyta shukniki kipa pushak, Virgilio Saquicela kamachi killkak llankaypi mana alli paktarikushka nishpa huchachishkata mana akllarkakuna.
Mamallakta Tantanakuypak llankaypi Llaktay chaparayka punchantami
Kay Transparencia y Participación Ciudadana y Control Social Minkarishkapika, Función Judicial tantanakuy llaktapak llankaywasikuna mamakamachiy rikuchishkata paktashpa kikinmanta pushaypi, kamachiy katinapi, ruraykunapipash ama yaykurichun mañayta chayachirka, kayshina mañayka llankay wasikunapak kikin kawsayta sumaychanapakmi nirka. Yuyarinakushka killkataka Consejo de Participación Ciudadana shinallatak Consejo de la Judicatura tantanakuy pushakkuna rimarishkata chaskishka kipami kay yuyarinakushka killkata arinirkakuna.
Kay Fiscalización Minkarishka ukumanmi, Agencia Nacional de Tránsito (ANT) tantanakuyta pushak chayamurka, payka kay watami Ecuador llaktaka antawakuna maymanlla mayllata purinapak rikuchik shuk llankayta pankata charishun nirkami, kay hillayka tawka chunkawatakunatami harkarishpa shamushka, shinallatak paypak yuyaypika kay mamallaktapi antawakunapak llankayta allichinaka anchami mutsurin nirkami. Shuktakpika, Corporación Telefónica Nacional (CNT) tantanakuyta pushakta shinallatak Contralor Subrogante pushaktapash, kay “karu uyachik” ñawinchiy paktarikuy ukupi chaskirka. Puchukaypika, kay Proyecto Eólico Minas Huascachaca ñawinchiynapak mañashkatami arinirkakuna, kaypika Fiscalía, shinallatak Contraloría General del Estado tantanakuykunaman tukuy killkata chayachichun arinirkakuna, kay tantanakuykuna paykuna paktashka ruraykunawan chayachunmi mañayta chayachirkakuna.
Minkarishkakunaka llaktaman chayashpa llankakun shinallatak llankashkata llaktayukkunaman riksichikun.
Kay Protección a la Niñez Minkarishkakunaka Ibarra kitipak Hatun Wasi Ukupimi llankarkakuna, kaypika Código Orgánico de Protección Integral a Niñas, Niños y Adolescentes (Copinna) kamachiy rurana killkapak yuyaykunatami llaktayuk tantanakuykunamanta, llankay wasikunamantapash chayachishkata chaskirkakuna. Kaypika kiti pushakkunata, llaktapi llankak tantanakuykunata, Ibarra llakta Kitipushaypi Hayñi Mitsarikkunata, Fundación Cristo de la Calle tantanakuyta, shinallatak, Consejo Nacional para la Igualdad Intergeneracional tantanakuy pushakkunatapashmi chaskirka.
Shuk wata llankashka kipami, tawka tantanakuy pushakkunawan shinallatak yachaypi kawsaytarpuypi llankakkunawan, Educación, Cultura, Ciencia, Tecnología y Saberes Ancestrales Minkarishkakunaka, 12 killakunapi llankashkata willachirkakuna, kay pachakuna ukupika 81 rimanakuyta charishkakuna, pichka kutinka llaktakunapimi llankashka, 104 llankaywasi pushakkuna shinallatak 201 llaktaykkunami ñawirirkakuna. Ashtawanka, 10 llankaywillaytami kamachiy ruranamanta arinirkakuna, shinallatak 20 yuyarinakushka killkakunatapash arinirkakuna.
Wichkana wasikunata sinchiyachinapi shinallatak Banco Pacífico kullki wasita riksinapimi Minkarishkakunaka llankarka
Kay Régimen Económico Minkarishka, pichka ari apushitaywanmi, Banco del Pacífico kullki wasita mintalanapak nishpa mashna chanishka, llankay wakllirishkata riksinapak kimsa killa ukupi chapak shukniki llankaywillayta arinirkakuna. Pushak, Mireya Pazmiño warmika ñawpanchishpa kay Kullkiwasika kullkipi, yuyaykunapipash sinchiytami paktarikuna nirkami.
Kay Justicia y Estructura del Estado Minkarishkapika Código Orgánico Integral Penal para Fortalecer el Sistema Penitenciario kamachiy mushukyachina killkata llaktayukman riksichinatami ashtawan sinchiyachirka. Kay awaki puncha rimanakuymanka Servicio Nacional de Atención Integral a Personas Adultas Privadas de la Libertad y Adolescentes Infractores (SNAI) tantanakuymanta, Defensoría del Pueblo tantanakuymanta shinallatak Fiscalía General del Estado tantanakuymanta pushakkunami chayarkakuna. Kay Ley Integral para Prevenir y Erradicar la Violencia contra las Mujeres kamachiy paktarikushkata riksinapak ruraykunatapash allichirkakuna, shinami yachaykunawan, llankaywillaykunawanpash llakikunata riksinkapak, harkankapak, anchuchinkapakpash yanapanka, nirkami.
Kasiklla kawsayta, hayñikunata hampinatapash ukllaypimi Mamallakta Tantanakuyka llankakun
Kay Relaciones Internacionales Minkarishkamanka Secretaria de Derechos Humanos pushakmi chayamurka, payka kay Centro de Rehabilitación de Santo Domingo de los Tsáchilas wichkana wasipi llakikuna tiyashkatami willarka. Minkarishkakunaka, Director del ECU 911 pushakwanmi, imashina llankay paktakushkata riksirkakuna, paykunaka uktashpa willachiy, chimpapurashpa chapay, utkashpa kayachiy, shuyu kuyuchikkuna, llankak ayllukuna, antanikichikpash imashinalla llankakushkatami rimanakurkakuna.
Kay Derecho a la Salud y Deporte Minkarishkapika Ley de Prevención, Protección y Atención Integral de las Personas que padecen Diabetes kamachiy mushukyachipak llankaywillaytami arinirkakuna, kay kamachiywanka Diabetes unkuy charik ayllukunata ukllanapak, harkanapak, uktashpa unkuyta riksinapakmi yanapanka, shinallatak kay unkuy anchayakpi rikuranapakpash yanapanka, ashtawankarin runa ayllu llakta wakllirinalla ayllukunata utkashpa yanapanapakmi rikuranka.
PV/cg-k
